平時都唔覺自己咁多朋友, 果日首先撞到以前男朋友嘅朋友, 如果唔係佢叫我, 我根本唔會認得佢, 可能係因為我條件太標青, 所以佢先會一望到我就叫得出我個名啦!
之後又見到平時幫趁開果間 pet shop 個 sales, 佢一見到我仲大大聲咁叫 "葉太~", 攪到我鬼死咁唔好意思...........
仲要撞到住係我樓上三樓對 couple, 佢地去大手掃 timberwolf 狗糧, 我聽佢地講 timberwolf 濕糧好抵, 平時 $25 一罐, 果日 $25 一罐仲買三送一, 佢地最後買左成二千幾三千蚊 timberwolf 狗糧走呀!
果日有 d 小狗好得意架!
有頭側側 bull dog.....
有大大件伯恩山犬
有鐘無艷 poodle (佢 d 黑色毛係天生架! 唔係染架!!!)
有好似洛威嘅小唐狗 (等待收養中.........)
仲見到有一隻洛威, 佢 d 手腳好粗架! 個骨架又大! 好有型架!
不過..........佢陣洛威 "除" 真係臭得好緊要! 我只係摸左佢兩下, 但係隻手果陣味就好耐都唔散...........真係臭到呢............我先知道我威少原來真係香噴噴架!!!
我問佢個主人點解佢陣味咁勁嘅? 佢主人話因為凍所以冇同佢沖涼 wor! 都唔 make sense 嘅! 而家都暖番好多啦! 係你懶咋! 隻狗臭賓賓都仲好意思帶黎狗展! 呢隻洛威真係慘慘呀!
唔係嘛~~ 狗都可以咁耐唔沖涼ga 咩?! 呢隻wowwow 真係慘lu~ 入jo 成2千幾蚊貨, 可唔可以食足一年ar??
回覆刪除[版主回覆03/10/2008 13:02:00]更係食唔到一年啦! 二千幾蚊只係買到四大包狗糧加罐頭! 佢有 3 隻金毛! 一個月都唔止食一包! 四包應該三個月都頂唔到!
回覆刪除呢隻我都係SHAUKEIWAN見過佢食宵夜呀, 叫做蛋蛋呀!
都話我實有緣見返佢啦... 響你張相...!! 佢好乖嫁!!
[版主回覆03/10/2008 13:03:00]係呀! 佢真係好過癮呀!
可能係因為我條件太標青, 所以佢先會一望到我就叫得出我個名啦! 我只係摸左佢兩下, 但係隻手果陣味就好耐都唔散...........真係臭到呢............ 咁smelly... 咪鬼出街啦... 佢咁大件... 唔會凍史嘅
回覆刪除[版主回覆03/10/2008 15:27:00]全東南亞都知我條件標青架啦~
果隻洛威真係好臭架! 真係想介紹我威少用果隻海澡 shampoo 俾佢用呀! 用左之後成個星期都香噴噴架! 西貢價 $280 有一加倫!
我威少冬天都沖凍水涼架! 威少係大隻佬黎麻! 不過沖完涼就一定要用風筒徹底吹乾 d 毛~
使乜咁唔好意思.呀葉太，依家有結婚或男朋友係驕傲呀！
回覆刪除[版主回覆03/11/2008 09:02:00]之不過葉生未能夠令我驕傲呢~
而且我仲係花女黎麻~ 大庭廣眾咁叫我~ 咪抹煞哂我識過第二個嘅機會!
我都見過 "蛋蛋 "
回覆刪除佢住西灣河 !
[版主回覆03/11/2008 09:03:00]佢真係好得意架!!!
臭洛威個媽, 係唔係有病呀 !! 我已經着咗成個禮拜夏天衫 lar wor ~ 佢仲話凍
回覆刪除鐘無艷 poodle 好cute喔!
回覆刪除佢哋兩個都係沖凍水... 只係有一次... 真係一次咁大把.. 花老舅... 無啦啦同佢兩個沖凍水涼... 嗰排仲要係寒冷警告生效嗰排... 我見到apple囡囡打冷顫，真係睇到我心都寒埋。apple囡囡一沖完，我即刻拖佢去行街，曬太陽... 至於billy囝囝，又唔覺佢凍哦，不過我都有帶佢行街街！
回覆刪除[版主回覆03/12/2008 16:13:00]早果排咁凍, 我都冇同威少沖涼, 不過我 keep 住有同佢抹身架! 一陣凍親點算呀~
我星期五果晚都有見到佢呀, 不過就見唔到你.......
回覆刪除