雪菜肉絲炒年糕

並唔係我認叻, 呢 4 日假期, 除左第一日 (星期五) 出去省城買餸而係出面食左個 lunch 之外, 咁多日以黎每一餐都係我親自煮出黎架!

呢個雪菜肉絲炒年糕就係我又一 fusion 傑作喇!

原本食譜係湯年糕, 但係我又唔想咁 "淡貿貿", 所以就參考另外上海炒年糕方法, 整左呢個雪菜肉絲炒年糕喇!

我都係第一次整呢 d 上海即食年糕, 發覺都幾抵食, 一蚊一條, 我用左 5 條, 買埋瘦肉同雪菜, 夾埋都唔駛廿蚊! 就足夠兩個人食有餘喇!

我真係一個持家有道嘅住家少婦呀!