討厭的春天!

天氣開始熱番, 屋企果三個大帝嘅換毛時間又開始喇!

小白就好 d, 佢唔會點甩毛, 只係會不停生長, 所以耐唔時就要同小白剪毛!

coffee 同細 b 兩個 d 毛輕飄飄, 吹到成屋都係, 櫃頂, 電視機, 梳化全部無一倖免!

睇下我張梳化...........真係睇見到眼冤呀...........

兇手 coffee 訓著都識笑..............

如果著黑色衫, 就算洗乾淨都好, 只要係屋企入面掛過一陣, 著出黎都係成身毛!

最攞命就梗係威少啦! 佢一換毛真係攪到人都癲呀! 係成餅成餅係地下果隻呀!

有咩解決方法?

咪晚晚最少拖兩次地, 又用紙拖把, 仲要同威少出花園梳多幾次毛 lor!

一路梳毛仲要擔驚受怕, 驚樓上大肚婆兩隻狗 "針" 茶俾我飲呀!

春天好討厭呀!!!!!!!!!