我愛大隻呆~

尋晚同葉生屋企人食飯提早做冬, 見到成兩個月冇見面嘅小桃兩姊弟, 小朋友真係大得快, 特別係細佬呀! 直頭係完全唔認得佢呀!

因為天氣凍, 佢地兩姊弟著左好多衫, 細佬就因為著太多層衫, 根本就不能動彈, 成晚就係大字形咁樣任人抱, 個樣又痴痴呆呆咁! 所以我同葉生叫佢做啊呆!!

只係望到佢個樣都已經笑爆咀啦!

仲要玩口水, 如果有兩堂鼻涕就十足小生個 friend 呀呆一樣樣喇!

家姐都大個左好多呀! 個樣女仔左, 唔似之前個男仔頭樣!

諗下如果每日放工返屋企, 見到佢兩姊弟咁過癮, 真係咩都唔記得哂啦!

睇見啊呆果個樣, 簡直悶氣全消 tim 呀!

講講下都好掛住啊呆呀..........

真係想今晚就生番個呀!!!