通常星期日我地都唔會去街, 費事出去多人又多車, 留係屋企攤抖下仲好!
我差不多每個星期日都自己一個帶威少同小白出去行下山, 去下水壩又去下涼亭咁! (其實都係屋企附近) 葉生通常都唔會點 "蘇" 我地, 每次都係屋企睇賽車, 我就梗唔明點解 now 每個星期日都有賽車睇嘅?
卒之上星期日葉生敵不過我 d "音波功", 同埋我地幾仔乸出去行山! 重點係想試下我地部傻瓜 dc 影連環快拍嘅!
當日天朗氣清, 出到去第一件事就梗係搵我 model 威試下先啦!
睇下我威少個側面幾咁迷人!
仲識卷脷 tim!
正面睇咪又係個傻仔............
當然唔少得我小白仔啦!
呢張影得小白幾可愛!
最重要梗係試下個連環快拍啦!
第一拍
第二拍
真係好...........快.............呀!
第一拍同第二拍已經差左幾步喇! 呢 d 係咩 "連環快拍" 呀? 真係笑大人個口呀!
點解兩個條脷一樣形狀....同埋一樣咁長嘅?????
回覆刪除[版主回覆10/23/2008 23:08:00]佢地兩條友仔熱麻!
威少個樣真係好鬼可愛, 好彩小白都唔弱, 俾個古靈精怪look過你.
回覆刪除你要再試下個連環快拍先得ga, 叫葉生再同威少行遠d, 遠d, 遠d添, 咁就可以拍到好多張啦
[版主回覆10/23/2008 23:08:00]睇怕可能要葉生同威少行到出西貢市先影到多幾張 wor!
威少成日笑好可愛呀！小白張相又真係影得好靚呢！
回覆刪除[版主回覆10/23/2008 23:09:00]我地呢 d 影相初哥, 係撞彩先影到咋!
你睇第一張威少對自己個側面幾有自信, 果然係 model 界 keer 一粒超新星
回覆刪除[版主回覆10/25/2008 21:23:00]我好鍾意 model 界超新星呢個朵呀! 好得呀!
好健康呀... 呢個係養貓人所羨慕o既...
回覆刪除你就好啦~可以同時enjoy 養貓 & 養狗o既樂趣~~
[版主回覆10/25/2008 21:25:00]我有朋友可以帶 d 貓出街散步, 唔駛用任何貓帶, 隻貓會自己跟佢行, 仲犀利呀! 講到養貓同養狗嘅樂趣, en 咩 joy 丫! 咪又係得個做字!
夏天我常帶2隻狗去妳果便游水的!
回覆刪除[版主回覆10/25/2008 21:27:00]哦~ 寵物中心果度?
小白威，威少醒，兩個都好靚仔。
回覆刪除[版主回覆10/27/2008 12:30:00]呵呵呵呵呵~