自從上星期六肥媽收到蘋果個姐姐通知, 話攝影師會係兩日內打電話約我地去影相之後, 肥媽就一路痴痴呆呆咁等電話, 直到早兩日啊屎面毛都影左相喇! 我地都未收到任何通知 wor! 攪到肥媽急到屎屎下!
(屎面毛 --> 肥媽個 friend 隻貓, 同威少一樣被選中做月曆之星)
於是肥媽問左屎面毛個啊媽攞左攝影師個電話, 諗住打電話去問人地點解咁耐都唔搵我地 lor!
點知打左兩日都冇人聽電話 wor! 終於尋晚先搵到個攝影師, 佢話暫時未影到我地西貢區, 會好快 call 我地, 叫肥媽唔駛擔心!
計我話肥媽今次真係 "瘀" 到震呀! 以我一幅 camera face, 駛咩擔心佢地唔打電話黎啫! 佢地唔搵我影係佢地損失之麻! 攪到我地而家好似 R 撈咁!
~~~~~~~~~~~~~~~~~~~~~~~~~~~~~~~~~~~~~~~~
最新消息: 剛剛攝影師打電話俾我, 已經 confirmed 左星期六影相喇! 仲已經 set 左威少係七月之星, 叫我準備定 d 做型 tim!
呵呵呵呵呵~
wow.....威少你真係威水，咁到時apple個月曆出面有無得賣架？我都要賣返個捧下你場呀！
回覆刪除[版主回覆10/13/2008 17:06:00]肥媽話要多謝你成日花時間同我傾計, 又幫我畫畫, 到時一定會送一個俾你呀!
如果你都想買多幾個的話, 大約 11 月至 12 月左右, 持有 "蘋果日報" 報頭, 再加 $20-$30 就可換購 (價錢未肯定)
好嘢！mo dell威少
回覆刪除嘩 ~ 好期待呀
回覆刪除