好耐都冇 update 個卜喇! 之前係公司鬼咁多野做, 返到屋企又唔想開電腦, 又要睇奧運, 所以成個幾月都冇寫卜 lor!
呢排俾威少攪到我就黎痴線喇!
之前天氣未有咁熱嘅時候, 威少日頭係花園度做園長, 到我地放工先入返屋, 直到早兩個月咁上下, 因為天氣炎熱, 又成日落雨落到倒水咁, 所以我地日頭都冇放威少出花園, 費事熱死個衰仔!
以前威少細個果陣, 都係屋入面冇出花園嘅! 但係就例必攪到天番地覆! 我每日都要仆番屋企同佢善後, 但係呢兩個月以黎, 威少再冇好似細個咁, 攪到屋企亂七八遭, 又冇再周圍尿尿.
正當我老懷安慰之際...............
個死仔包唔知點解又係廚房門口痾督尿俾我嘆!
我打又打過! 鬧又鬧過! 又試過唔睬佢! 又試過同佢 "講耶穌"! 都冇佢符!
攪到我而家又要回到以前, 一放工就開行 turbo 番屋企, 務求係葉生返屋企之前清理現場, 如果唔係葉生一定打到威少痴埋牆呀!
我最唔想就係葉生要威少日頭出番花園麻!
天氣涼就冇所謂啫! 而家日頭咁曬! 威少又黑 mon mon 咁! 唔熱死佢就有鬼啦!
大家有冇咩方法呀????????
點都都要時間, 所以其實一定要教下葉生先, 點都唔可以因為咁打狗狗, 因為真係狗狗無錯, 佢屙屎ja ma, 打佢, 只會令佢唔屙, 或者唔肯係你係屋企嘅時候屙.
回覆刪除方法都只係得一個, 你係屋企時, 佢識得出花園先屙, 就有小食, 你唔係屋企時佢屙, 就無得食, 仲要鬧, 同唔睬.
呢個方法我諗維持左一個月左右, 小bruce開始等有人先屙, 減少左晏晝屋企無人果時屙, 再過多一個月左右, 基本上都等有人係屋企, 因為有得食.
然後再過一兩個月, 佢真係習慣晒, 我就再無俾小食, 佢都會keep到呢個習慣.
不過小bruce點屙都好, 都係屙係佢廁所度, 因為, 有時點都會肚仔痛, 忍唔住ga ma.
所以, 有時狗狗係屋企地下屙左, 真係唔可以太大反應, 清潔左佢就得ga la, 叫葉生唔好咁緊張啦.
[版主回覆09/09/2008 19:13:00]我想問得 detail 小小, 因為平時我都係放威少出花園尿尿, 係出去之前, 我會同佢講 "痾尿尿喇!", 咁佢就會好開心咁走去度花園門度等出去, 有時去左去未必即刻尿尿, 可能會周 圍行下, 聞下先去, 所以有時我放左佢出去, 都會由佢係花園度大約 5 分鐘咁上下, 先再開門叫佢番入黎 (屎屎都要培養下先可以架!)
如果我照用你個小食方法
(1) 我需唔需要係放佢出去尿尿之前, 俾佢睇下包小食呢?
(2) 我需唔需要同佢一齊出花園, 一見到佢尿尿, 就即刻俾小食佢呢?
(3) 個衰仔平時都已經一個鐘頭左右又要我放佢出去, 我唔係次次都放, 通常放工返黎到訓覺都係放兩至三次到, 我需唔需要再規定個尿尿時間呢? 等佢可以限時限刻呢?
真係麻煩哂你呀!!
我果時就無俾小食佢睇, 不過俾佢睇, 都可以當係一個提示, 可能快d學到架.
回覆刪除我開頭都跟得小bruce好貼, 一見佢行去廁所就望住, 一屙完就good佢, 跟手就拎小食俾佢, 我都會盡量係佢屙完個位俾小食佢, 等佢associate到個關係.
你最主要係想佢唔好係屋企無人嘅時候屙啫, 有人果時, 威少係識得叫你開門架ma, 你唔開, 佢又唔會係屋入面屙, 但無人果時, 威少就唔知點算.
我諗你可以試下, 有人果時, 都要威少等, 等到你拎小食出黎, 先會放佢出去, 咁得唔得呢
[版主回覆09/10/2008 15:10:00]其實個衰仔一有得出花園都已經開心到癲左! 我係佢出完花園之後再俾 snacks 佢, 我驚佢會好容易混淆! 同埋未必清楚我俾 snacks 佢係咩意思, 所以我係度諗, 我係咪應該跟埋佢出花園呢? 到時一見到佢尿尿就醒 d 小食佢嘆, 而家得到你 confirm, 我諗我今晚開始都要同佢一齊出花園餵下蚊先得!
其實我而家都唔係每次威少要出去都俾佢出, 我唔想佢攪亂哂 d 尿尿時間, 我都會要佢係我 set 好嘅時間內出去.
真係希望可以教好個衰仔啦! anyway 都好多謝你分享呀!!!!!