中秋節正日當日, 葉生 d 親戚入左黎我地屋企 BBQ, 大人加埋細路成十幾人, 雖然我今次唔駛準備食物, 但係佢地走左之嘅清潔工作做到我眼都坦!
最 R 頭係 d 人唔知點解出花園唔鍾意著鞋! 出面燒緊野食, 地下都唔慌乾淨啦! 仲要係咁行出行入, 踩到屋入面污糟到死! 又係咁開門閂門, 咁會俾 d 蚊飛哂入屋麻! 真係唔明呢班人想點!?
最不知所謂係你黎我屋企, 識我嘅人都知威少佢地四隻野係我屋企一份子, 你入得黎就預左佢地係度啦! 入到黎見到威少又 V 嘩鬼叫! 又話好驚咁大隻狗! 你可以唔入黎架! 咁大家咪相安無事 lor! 你唔係諗住我會困住威少黎應酬你地呀??
唔好講埋哂 d 無謂人喇! 不如睇下威少 d 相啦!
睇下威少戴住副螢光超幾有型!
螢光棒呢樣野真係洛威拿嘅最佳服飾! 威少本身黑媽媽! 一戴左螢光棒啫! 就算佢夜晚出花園尿尿唔開燈, 都可以睇到個衰仔係邊啦! 仲邊有得玩保護色呀!
再加 "小象與威少"
睇下威少 d 眼神幾咁天真同傻!
有意見咁話囉喎．．．．哈哈．．．．其實咁大班人一齊BBQ都幾好玩，我發覺威少面上悄悄流露左一份無奈感覺，直情係想話呀媽你又想點
回覆刪除[版主回覆09/17/2008 15:39:00]咩啫~ 我就係想幫佢洛威嘅外表加添小小趣味之麻!
細佬 d 濕疹好番 d 未呀? 我想 8 卦下呢.........佢地生濕疹係點架?
絕對認同你,因為我都試過,包爸爸朋友嚟燒野食,佢d朋友有小朋友,話佢個仔驚狗叫我困住d狗佢,我睬你都傻,一係就唔好嚟,一係我比個籠困住你個仔,咁味唔驚囉.
回覆刪除[版主回覆09/17/2008 16:07:00]講得好呀!!!!!
而家 d 人真係唔識得分莊閑! 我見到你個樣我都好驚呀! 不如你懞臉啦! 笨!
濕疹！！係點？？有血水，有龍（唔識打果個字）醫生話會痕但我又唔多覺細佬有痕喎，食左兩個星期藥，好番好多喇，其實到現在我都唔知點解細佬會有．．．．？？
回覆刪除[版主回覆09/18/2008 10:41:00]如果係呢 d 皮膚病呢~ 你帶佢去游海水, 會好好多架!
我以前隻咕嚕仲係人地車房狗果陣, 因為食得太什而生滋, 我都係同佢去游海水, 之後生番果 d 毛仲令過以前呀!!
其實我都有少少驚大狗~ 但係我諗我見到威少都唔會驚lor, 因為佢對眼太溫柔+善良喇~
回覆刪除[版主回覆09/18/2008 14:44:00]威少個樣又點只溫柔 + 善良呢~
仲有少少白痴, 少少低能, 最緊要係戇居居麻!
完全同意，唔鍾意狗就唔好嚟，你估之後要執屋好舒服咩！
回覆刪除係啦 ~ 我都好怕 lee d 人嫁, 黎人地屋企仲要講埋 d 不知所謂 keer 野, 唔通下次你去佢地屋企, 覺得佢老 ba 好惡叫佢鎖住佢先, 等你唔洗驚, 睇吓佢會有咩反應 ar
回覆刪除成少好乖仔呀！！！
回覆刪除所以我屋企係唔俾無養狗嘅朋友上黎ga, 上到黎, 一定唔可以叫我困囉, 驚就自己困自己入房啦.
回覆刪除以前我對面個同事成日帶埋只狗返工，d人入嚟設計室，見到只狗好似見到鬼咁左閃右避，九曲十八灣先入到嚟，又鬼殺咁嘈==".............使唔使咁浮誇ar=="狗咋嗎，見到老虎咩=="都唔知係咪真係咁得佢驚=="
回覆刪除