我見到威少吊起隻右後腳黎行,
我問葉生係咪佢打過威少黎啦! (因為葉生今日成日係屋企麻!) 葉生又話冇! 仲話一直都唔覺威少隻腳有問題, 係我返黎先見到啫!
我即刻將威少隻腳由頂 "甩" 到腳指尾, 睇下佢究竟邊度有事啦! 一摸到去佢其中一隻早兩日爆左甲果隻腳指啫! 個衰仔就縮下縮下咁! 再望真 d , 又見唔到佢流血呀!
(***威少自從半歲可以出街開始, 我都唔需要同佢剪指甲, 因為只要同佢係石屎路跑兩跑, 就可以磨短哂 d 指甲, 不過亦因為咁, 有時個衰仔跑跑跳跳得太犀利果陣, 就會整到自己爆甲! ***)
跟住再望下個衰仔啦! 佢不但止行果陣吊高隻腳, 就連佢攤響地下嘅時候, 都將隻腳抬起 wor! 心諗唔通真係咁嚴重? 唔係又好似小白咁有隻 "黃金右腳" 呀?
試下俾 d 雞肉片引下佢, 睇下佢會唔會行得好 d 啦! 見佢都行到就住就住咁! 再加埋果對眼水汪汪想喊咁款望住我, 好似好陰公咁! 攪到我個心立立亂! 差 d 就叫葉生車我同佢去睇醫生架喇!
諗住俾埋野佢食再睇下點先啦!
食完野之後例牌要放佢出花園尿尿啦! 個衰仔一出到去, 係個花園度走黎走去, 輕鬆自在! 我就知道我俾個衰仔坤左喇!
葉生仲話威少冇事咪好 lor!
係好......................好好戲呀!
個衰仔根本就冇野! 係見我返黎扮野俾我睇! 要我注意佢! "炸" 我嬌!
佢係花園尿尿之後返入屋, 就再冇吊高隻腳喇! 又係度同小白玩到鬼咁高興! 慌唔係尿尿之後開心過頭, 唔記得左要連戲咩!
呢個衰仔好戲成咁! "導盲犬小Q" 都唔係佢果皮啦!
你話佢幾不知廉恥呀! 俾我鬧緊都笑騎騎咁望住我!
我再話佢兩句咩? 借 d 意又望第二度, 好似唔關佢事咁呀!
威少,我投你一票,封你做偶像.
回覆刪除[版主回覆04/30/2008 08:33:00]咁我呢個星媽可能要考慮下幫威少整番個 fan club 喇!
威少, 你好勁呀!! 唔知冬冬哥哥識唔識咁做呢 ????
回覆刪除[版主回覆04/30/2008 08:34:00]冬冬哥哥咁乖仔, 千祈唔好學威少成日扮野咁衰就真!
以為佢整親添... 威少，朝偉都做咗好多年先做到影帝，你慢慢啦！ 攪掂喇，check一吓啦！
回覆刪除[版主回覆04/30/2008 13:14:00]收到喇! thank you!!
威少, 你幾時會開簽名會或握手會呀? 記得留返一個位俾我呀!
回覆刪除[版主回覆04/30/2008 13:16:00]同威少開個大食會就差唔多! 有野食佢做咩都食架!
係咪係屋企玩得勁得滯, 整到隻腳甲架, 個時我隻bobby都係咁架, 仲流晒血添呀, 要去醫生度幫佢脫甲呀, 真係心都痛埋
回覆刪除[版主回覆04/30/2008 13:18:00]佢係自己係花園度跑跑跳跳得太犀利, 所以咪爆甲 lor!
攪到屋企血跡處處呀! 唔知以為有血案 tim 呀!
你 bobby 要脫甲咁嚴重呀? 諗起都覺得痛呀! 陰公..........
hahahaha......威少俾你踼爆左，以笑遮醜呀！hahahhaa，好可愛呀！
回覆刪除[版主回覆04/30/2008 13:19:00]個衰仔最叻 "炸" 傻扮懵架! 我就係咁成日都俾佢 tum 到呀!
會唔會係腳痺呀，我隻細佬久唔久有ｄ咁架野，訓得時間 起身後腳就會有小小吊起，初時就真係比佢嚇瓜 但過一了陣就無事．
回覆刪除[版主回覆04/30/2008 13:21:00]我以前隻咕嚕都耐唔時有腳痺, 但係威少就好似未試過 wor!
威少一定好滿意自己的演出啦
回覆刪除[版主回覆05/01/2008 23:08:00]幾乎要俾個獎佢 tim 啦!
威少話想去考演藝, 諗住練習下d演技啫, 咁唔搵你幫手排下戲, 搵邊個喎
回覆刪除[版主回覆05/01/2008 23:11:00]佢咁好戲~ 仲駛咩搵我呢 D 咖哩啡排戲 ar!
不過就冇咩記性 lor! 出完外景 (花園), 拍返廠景 (屋企入面) 就唔記得要連戲喇!
威少真係好好戲喎~~ 可惜有得玩就"踢爆"咗添~~ haha! 佢呢兩張傻笑相好可愛呀!!
回覆刪除唔知威少做呢場戲有冇綵排過呢?!
[版主回覆05/01/2008 23:12:00]咪就係搵左我呢個咖哩啡黎排 lor!
hihi~你之前去過我個blog架, 得閒再入黎睇下留個言呀^^
回覆刪除你比威少呃咗丫.... 哈哈
回覆刪除威少真係睇你唔出咁好戲喎 你真係好叻好聰明,重超嗲呢
回覆刪除得閒要過2招黎駛吓
嘻嘻你應該開心！威少嗲你唔嗲葉生，即係佢在乎你多d啦！嗲個唔理佢既仲乜？
回覆刪除唔好意思, 借你既blog一用, thanks!
回覆刪除美麗善良的貓，希望有人想領養她！謝謝！
http://hk.myblog.yahoo.com/lamsaralam/article?new=1&mid=3349