尋晚發左一個夢, 夢見有一個男同事向我展開追求, 攪左好多花臣黎同我慶祝生日, 令我開心到不得了!
<首先要講我同呢個男同事平時真係完全只有工作上交流, 而且距離我生日仲有幾個月! 真係唔知點解會發埋哂 d 咁嘅夢!>
exactly 佢點同我慶祝我就唔係好記得喇! 只係訓醒左都仲 keep 住好開心嘅感覺 lor!
跟住係我返工嘅車程入面, 我就不斷諗番我過去嘅生日喇!
原來我冇咩令我好開心, 好難忘嘅生日架! 真係悲情..........
叫做比較開心嘅, 就係 18 歲果年, 當時男朋友 (30 歲) 同我去柏寧頂樓食 candle light dinner, 開心係因為佢有花心思去同我慶祝, 雖然最後都係俾佢呃左..........
過得最唔開心嘅反而有一個 wor! 就係葉生唔記得左我生日, 我由日頭等到佢夜晚, 一直係度諗佢會俾 d 咩驚喜我嘅時候, 點知直到凌晨 12:00 都唔見佢有表示嘅? 一問之下, 原來佢係徹徹底底咁唔記得我果日生日呀! 我真係嬲到震呀!
掉轉頭諗, 呢個咪就係葉生俾我最難忘嘅生日 lor!
之但係佢 d 朋友幾時生日佢又會記得架! 小白同威少生日又記得噃! 就係唔記得我 lor! 你話我係幾咁特別呢!
葉生有一兩次係我生日嘅時候, 都會同我出去食飯嘅! 但係係 "你生日呀麻! 咁......出去食飯 lor!" 完全 feel 唔到有任何心思果隻! 只係敷衍我生日之麻!
生日禮物? 葉生唔識呢樣野架! 佢生日我買野俾佢就有!
我地呢 d 小家種, 生日係大事黎! 我又唔係要 3 卡鑽石, 我只係想有人肯花心思同我慶祝生日, 一年都係得一次啫!
為怕佢今年又唔記得我生日, 我已經預先係佢本 schedule 度 mark 左我生日俾佢睇, 我唔想自己今年大壽都要因為佢唔記得我生日而唔開心呀!
姐姐你幾時牛一啊??禾幫你提葉生吖
回覆刪除[版主回覆04/13/2008 00:13:00]我生日會有補假架! 仲有月餅食 tim!!
你幾時生日呀？等我都mark低先！
回覆刪除[版主回覆04/13/2008 00:15:00]今年係我大壽 -----> 踏入 x 十之年喇!
我係中秋節生日架 !
其實, 在你心深處係好擔心葉生又唔記得, 所以你先有發 lee d 夢 kar 不如你話我地知, 到其時我地幫你提佢啦
回覆刪除[版主回覆04/13/2008 00:17:00]我已經係佢本 schedule 寫低左喇! 如果佢都唔記得的話, 我買兇殺左佢都似呀!
我生日你地有 mooncake 食嘅!
世上啲男人都係咁架哦~
回覆刪除我隻史佬又係咁架... 嘈到史佢都覺得佢自己冇錯！
[版主回覆04/13/2008 00:18:00]係呀! 明明係自己錯, 講到好似係我搵野黎攪咁!