如果有接觸過洛威拿呢隻狗種嘅都會知道, 洛威拿嘅體味都幾犀利下, 好似我以前隻咕嚕為例, 即使佢剛剛沖完涼都好, 你一摸過佢之後, 隻手陣味唔用洗手液係唔會洗得甩嘅!
因為威少細細個就跟我地係屋入面住 (以前咕嚕係花園咋!), 夜晚仲會跟我地入房訓, 所以係選擇威少嘅洗毛水方面, 我都花左唔少時間 (同埋金錢啦!)
終於俾我搵到呢一支 "海藻洗毛水" 俾威少用, 佢仲標榜係 "無添加" 嘅洗毛水, 威少用左之後, 不但止冇出現皮膚敏感, 而且果陣洗毛水香味仲可以 keep 到成個星期 tim! 呢隻洗毛水果種香味絕對唔係咩花香果 d , 但係我又真係諗唔到點樣形容, 總之就係清新啦!
呢隻 480ml 就大約九十幾蚊 (西貢及深水埗價一樣), 早前我係西貢仲見到有兩加倫裝, 都只係 $280! 真係抵食夾大件啦!
好呀！等我都搵吓先！到時報告比你知佢哋有幾咁香... 哈哈
回覆刪除[版主回覆04/21/2008 11:50:00]好呀! 你都同 AB 試下啦!
我上星期六去幫你睇過喇! 佢暫時賣哂! 我留左電話俾間 pet shop, 我諗今個 weekend 應該有貨, 我再通知你啦!
haha....咁好用！咁以後威少咪香噴噴囉！正喎！
回覆刪除[版主回覆04/21/2008 11:52:00]梗係啦! 叫得威少, 點會臭賓賓架!
咁好用! 咁以後威少同小白沖完涼可以 keep 住香噴噴囉!
回覆刪除[版主回覆04/21/2008 11:51:00]只係威少用呢隻洗毛水咋! 小白用果 d 白毛專用洗毛水架!
當然, 兩個都係香噴噴啦!
幾耐同佢沖一次涼呀?
回覆刪除[版主回覆04/23/2008 08:37:00]如果係冬天就大約兩個星期一次, 如果夏天就每星期一次 lor!
你地好平 wor, 元朗 480ml 都要 $1xx 先有交易
回覆刪除[版主回覆04/23/2008 08:38:00]咁貴? 我仲以為元朗 d 野應該平 d ........
咁正？！我買支比小黑先！ 佢陣男人除呀……………
回覆刪除[版主回覆04/23/2008 08:39:00]咁你真係要買支俾小黑試下喇! 洛威果陣除真係唔講得少架!
呢支洗毛水又多泡, 又香, 又 last 得耐, 真係冇得頂呀!!!!
咁正 , 等我認住佢先, 之後買番支試下!!
回覆刪除