尋日將威少 "巨變" 果 d 相俾個新朋友仔睇.........
佢睇完之後, 問我 "隻黑色狗幾得意 wor! 咩狗黎架?"
我仲好有耐性咁同佢講 "洛威拿黎 lor! 你知唔知邊隻呀??"
"吓? 洛威黎架? 人地 d 洛威唔係咁樣架! 我見過果 d 好有型, 好 smart 架! 你果隻個樣咁蠢.............真係洛威黎咩? 佢個樣都唔惡嘅!"
我於是答佢 "咁佢有我呢 d 咁 nice 嘅主人, 佢當然唔會兇得去邊啦!"
我威少唔似洛威咩? 佢冇錯係個樣鈍左 d, 笑起上黎個樣又傻傻地咁, 但係佢真係一隻洛威黎架!
我覺得佢而家咁樣幾好呀! 又唔會俾人感覺好惡咁! 蠢蠢地咁都唔知幾好!
**actually 只要佢係我嘅狗狗就係好!
你個friend係讚定彈呀？ 威少梗係洛威啦 唔好比啲唔好主人教出嚟嘅洛威... 而影響洛威啲形象好哦~
回覆刪除[版主回覆04/18/2008 17:23:00]你講得實在係太好喇!
如果威少個樣惡,你朋友可能就會話呢d狗好惡架,咬死架,我會比較鍾意人地話佢地傻或者蠢樣.
回覆刪除[版主回覆04/18/2008 17:24:00]係呀! 係街度 d 人都會叫洛威做 "果 d 咬死人嘅狗呀" 咁! 真係俾佢地激到口吐白沫呀!
威少個樣好鬼純, 又好笑容, 正爆~~~洛威係咁ga wor, 我真係未見過兇神惡煞嘅洛威wor又~~~
回覆刪除[版主回覆04/18/2008 17:25:00]你真係見多識廣呀! 我威少直頭係洛威界美男子啦!
係囉, 只要係你心愛咪得囉, 理鬼得佢似定唔似
回覆刪除[版主回覆04/21/2008 11:53:00]雖然係, 但係咁樣俾人講, 都有 d 唔老黎 lor!
我哋咁大班洛威友都知道洛威啲性格啦... 狗係會吠亦會惡同咬，但係都要睇個主人囉！ 我哋做得好好，威少、包包同AB都好乖吖好聽話呀！
回覆刪除[版主回覆04/21/2008 11:54:00]咁係因為我地有家教麻! hahahahahahahahaha!
actually 只要佢係我嘅狗狗就係好!------>講得好，關佢咩事呀！我小黑都唔惡又唔型架！你估人人都靚到李嘉欣咁咩！
回覆刪除不過咁，阿威少可能要做下mask，D面皮有d下墜呀！
[版主回覆04/21/2008 11:54:00]係啦! 都唔知點解威少塊面同個胸口位都有 d 墮墮地嘅!
last 果句講得好好 其實似唔似同係唔係 mix 都冇關係 ~ 因佢係我地的寶貝兒
回覆刪除威威個樣幾靚仔呀, 個樣唔惡有咩問題呀, 我又唔覺有問題喎 !!
回覆刪除