威少細個果陣腳仔粗粗, 肥藤藤咁架! 而家就好似唔係好夠壯咁!
而且可能近排天氣潮濕又悶熱, 威少仲食少左野 tim!
於是我地就用番以前谷小白果招黎對付威少喇!
由於葉生有朋友係凍肉鋪做, 果 d 鋪頭用機 "車" d 豬排嘅時候, 會產生好多肉碎, 我地就叫朋友幫我地留起呢 d 肉碎俾我地, 聽葉生個朋友講, 有好多狗場都同佢地買呢 d 碎肉架!
我地今次攞左 10 磅番黎, 先用保鮮袋分成小袋, 再放入冰箱
其實呢 d 稱為肉蓉會更加貼切, 每次整嘅時候 (當然係先解凍啦!) 係保鮮袋底部剪一個角, 再好似唧肉丸咁唧落煲滾水度, 用烚嘅方法黎整, 第一可以將肉入面 d 油份整出黎, 第二又因為肉丸會比較有咬口, 佢地食果陣會開心好多!
烚好之後就梗係要攤凍先啦!
因為唧出黎 d 大細好難就, 所以會再剪細舊 d 再放入保鮮盒, 方便放入雪櫃!
另外再俾 d 威少同小白, 我會再加 d 狗糧同靈芝粉俾佢地!
兩位少爺點? 梗係 "澎澎聲" 清兜啦!
我諗威少係我一輪攻勢之下, 好快就會壯健如牛!
而因為小白隻 "黃金右腳" 關係, 佢要嚴格控制體重, 所以我都係俾少少佢過下口癮就算, 費事得威少有得食, 小白冇得食好慘嘅!
嘩 ~ 仲有靈芝粉咁補丫
回覆刪除[版主回覆04/14/2008 12:03:00]係呀! 呢隻靈芝粉係我上次係寵物展買嘅! 強化身體機能, 有病醫病, 無病強身麻! 我 d 貓都有食架!
唔好話你個威少吖.... 我對AB都冇大到.. 咁耐都仲係34-35公斤左右... apple搬咗之後仲瘦咗... 而billy咁耐都冇肥過... 我都唔知點解...
回覆刪除[版主回覆04/14/2008 12:05:00]係啦~ 真係唔知點解架~
特別係呢排天氣轉, 仲食得少左, 平時食開一日兩餐, 而家一日一餐咋! 我肉尺架麻!
小白個bowl都應該枱高少少.... 佢條項都dup得好低哦
回覆刪除[版主回覆04/14/2008 12:06:00]可能係張相角度問題啫! 我之前買個腳架俾威少果陣, 已經同小白比較過, 小白因為腳長關係, 而家個兜高度 ok 喇!
我都有考慮俾豬肉丁茶ki 食....可以多元化d ma...
回覆刪除但我之前冇俾過豬肉.....頂多都係俾少少bo 湯瘦肉佢地食...
之前唔知d 咩人又話狗狗唔好食豬肉, 但我見而家狗糧都有豬肉架啦, 我真係要認真考慮下先~~
[版主回覆04/14/2008 12:09:00]係咩? 狗狗食豬肉唔好架? 我又未聽講過 wor!
因為我驚營養唔均衡, 所以我會溝糧俾佢地食, 有時都會加 d 瓜菜俾佢地架!
但係而家豬肉咁貴, 買十蚊得果少少, 如果唔係葉生個 friend 可以攞到呢 d 肉碎, 真係買多多都唔夠威少食呀!
嘩！好正喎！餐餐有得加料，好快就快高長大喇！
回覆刪除[版主回覆04/14/2008 15:21:00]快高長大------> for 威少好喇!
小白 no way 喇!
哇, 攪到我都想食埋一份 ~~~ 好正啊~~
回覆刪除想問下你呢, 你覺得依隻靈芝粉點啊, ok唔ok? 因為我有朋友都想買比貓咪食 ~~~
[版主回覆04/14/2008 15:19:00]首先要 depends on 你朋友隻貓貓而家咩年紀, 因為我而家食緊呢隻靈芝粉, 係屬於強化身體機能, 我只係俾佢地 4 隻野食黎可以令佢身體好 d, 而且佢地 4 隻 touchwood 都好健康, 食左之後, 唔會有咩顯著成效可以見到, 只不過我見佢都係百幾蚊有咁大樽, 俾佢地食下, 到佢地將來年紀大, 可能真係會少 d 毛病出現咁~
若果你朋友隻貓貓年紀開始大, 我建議你叫佢試下 petzup 果隻靈芝 ( http://www.petzup.com/c/care2.html ) 因為我隔離屋位姨姨隻金毛 (5 歲) 食左之後, 真係有明顯改善, 佢食之前隻眼臉下垂, 又好容易氣喘, 但係食左之後, 真係有如仙丹一樣, 眼臉冇下垂不特止, 而且又減少左氣喘嘅情況, 不過呢隻就貴 d, 要 $450 一樽 lor! 你可以去睇下佢個 website 呀~
嘩 ~ 真係好食用啦 !! dick 少都想黎搭食呀, 有位嗎
回覆刪除[版主回覆04/14/2008 15:20:00]隨時歡迎~
靈芝粉真係好補WOR
回覆刪除謝謝你既建議啊 ~~~我朋友隻貓咪其實係小貓咪黎架，1歲都未夠, 但係呢, 就已經証實左有摺耳貓既遺傳病, 咁我朋友除左比果D強化骨骼果D supplement佢食呢, 重話想試下靈芝粉law, 希望幫到貓咪 ~~ 但咁岩身邊又冇朋友有依D資料喎 ~~ 我見你有買, 所以八下問下你lu ~~~~
回覆刪除等我話比我朋友知先 ~~~ 我唸真係可以一試呢 ~~~~
同埋呢, 想問下你, 你有冇留意到, 街度邊度有你支牙gel買啊?? 因為我都想買支試lu ~~~ 我都係住西貢架~~~
[版主回覆04/16/2008 15:53:00]豆豆芽有得賣呀~
即係有得夾狗狗零食果間狗鋪呢!
嗯嗯, 我知道邊間~~~ 謝謝你啊, 等我搵日落去八下先~~~~
回覆刪除