轉眼間個女又已經 22 個月大,
自己成日都 KEEP 住睇手機入面 D 舊相,
睇番個女 BB 個樣, 仲好似尋日嘅事,
之但係到今年 8 月, 佢就要開始番 N 班喇!!
唔.......真係唔想佢大得咁快......(痴線!!!)
呢幾個月講野叻左 D 啦! 但係都仲係比起其他小朋友水皮,
好多野都仲係單字咁講, 又未識用說話去表達自己,
叫做會跟口水尾講幾隻字咁,
完全睇佢心情, 鍾意就會係咁講,
硬頸起上黎, 打都唔肯講!!
可能又有一排冇去上 PG, 而家見到其他小朋友,
未必會蘇人地! (其實見到所有人都係咁!!)
勁鍾意跳舞! 每次一聽到音樂, 就會自己 DANCING!!
特別係睇到米奇老鼠 (果個系列人物都係啦!!)
呢期無啦啦特別鍾意 PLUTO, 去邊都要帶住....
早餐 0800, 下午茶 1600, 宵夜 2330 都會飲 250ML 奶奶!!
如果平日係屋企, 午餐同晚餐工人姐姐都會煮 D 麵食俾佢,
到大人食飯, 佢又會埋黎痴食,
如果出街, 佢都會跟我地食大人野, 不過份量唔多,
每日都食大量生果,
佢最乖最乖就係飲好多水, 每兩個鐘左右, 佢可以同你 KO 差不多 200ML 水,
飲得多, 真係尿尿都好 D! 一般兩個鐘左右就要換片片, 唔係實漏.....
每日都叫做有一次 POO POO 啦!
不過真係唔明, 佢飲咁多水, 但係 POO POO 都係小小偏硬.....
ANYWAY, 我又唔會太在意呢個問題, 有就 OK 啦!
之前同佢報左 4 間 N 班,
係 2 月初 IN 左兩間, 初時兩間都話佢係備取生 (即係唔收啦!)
失望到想死.....
其中祟真話如果 28/FEB 前收唔到電話, 就後補都冇份,
到 28/FEB 果日, 我面懵懵咁打電話去祟真問,
睇下仲會唔會有機會 (只係電話講都覺得自己好肉酸!!)
留左名俾個主任, 希望佢可以留意下咁.....
到 2/MAR 就收到電話, 話有位俾我個女喇!!!!
真係開心到癲左!!!!!!!!
問心其實我只係想個女開開心心咁踱過佢嘅童年,
我真係唔想令佢有咩壓力去學習,
但係而家香港社會風氣問題,
令到我好多時都唔知道自己係咪已經因個女做到最好.
有時候見到自己周邊好多小朋友都有好多病痛,
做左人地啊媽, 即使唔係自己小朋友, 只係聽到都會覺得好難過,
更加會好感恩自己個女都叫健健康康,
即使可能某方面不及人地優勝 (可能講野比較差)
但係佢身體健康, 已經係千金難買.....
女呀女.....媽媽只係想你健康快樂.....
我唔需要你做咩大人物, 做咩最有前途新人,
我只想你做一個有用的人, 有責任的人,
媽媽就已經好滿足!!! I LOVE U
個個小朋友都係中意跳舞，超可愛。
回覆刪除