國產貨萬歲!!

我地呢 d 窮等人家, 住埋係 d 荒山野嶺, 除左冬天叫做好少少, 其他時間真係俾 d 蚊煩到想喊! 特別係我呢 d 體溫偏高, 又甜美嘅靚女!

  只係朝早等車返工咋! 都可以咬到一身都係! 就算隔住條厚西褲, 都阻止唔到 d 蚊表達對我嘅愛! 有一次仲試過俾隻毒蚊咬, 誇張到我成隻大脾都敏感出疹!

我都試過用蚊怕水, 但係又痴笠笠, 用蚊貼, 顧到上又顧唔到下, 你叫我搽白 x 油咩? 我又頂唔順果陣藥油味.....

終於, 俾我遇到佢喇!

係我一個剛剛做左媽媽嘅朋友介紹俾我, 因為佢驚 d 蚊咬佢 baby, 仲勁到用噴壺係咁向住 d 門窗噴! 佢見到我俾 d 蚊咬到死死下, 送左一枝俾我試下, 我就冇佢咁誇張周圍噴, 我只係每日返工前搽係所有露肉地方啫! 經我試左兩日, 真係 work 呀! 又唔會痴笠笠, 仲有少少香味 tim! 唯一唔好係佢太細支 lor! 我搽左兩日就已經用左成個樽頸去喇! 最慘係要去大陸買呀! 如果係羅湖城果頭呢! 就要十幾廿蚊, 其他入 d 嘅地方, 應該十鬆 d 就 ok!

之但係佢鬼咁細支! 又玻璃樽! 都唔知要抬幾多支落黎先夠用呀!