葉生對於第二個外甥出世, 依然十分興奮啦! 如果唔係公家醫院有限探病時間的話, 我諗個傻佬應該會係醫院唔肯走!
其實係 baby 出世果日我地已經去過醫院睇佢兩母子, 但因為係 c-section 關係, 第一日 baby 只會係 18:00 - 19:00 係病房俾大家睇, 其他時間都會係育嬰房, 怕媽咪因為 c-section 未可以照顧 baby, 而且每次又限兩個人入病房, 攪到大家都頻頻能能咁! 我地兩個果日都係望左 baby 幾眼咋!
葉生又點會捨得只係望幾眼就走呢~ 之後個星期日即刻又走出去, 想話探下佢地同埋買 d 禮物俾 baby 啦! 好彩我地上到去冇咩其他人, 我地仲可以抱到 baby 一陣添!!
我地呢 d 咁深閨嘅! 都唔知幾耐冇試過星期日下午走出旺角喇! 人又多車又多! 直頭熱到嘔電呀! 下次真係咪駛再預我呀!
今次呢個bb似唔似小彬彬呀？ 恭喜葉生細妹一定呀！
回覆刪除Congratulations!!!
回覆刪除得閒黎睇下丫!
回覆刪除BB好得意呀...
回覆刪除唔好意思,借地方一用及懇請大家幫幫忙轉貼一下啦,希望集合大家既力量,能夠早日搵番毛毛,唔該哂呀!
回覆刪除尋犬: 5個月大西摩犬"毛毛"於沙田唔見咗
尋犬,事發係係9月11日上午8點左右,主人隻西摩BB俾佢既屋企人 偷偷地掉左係 大圍美林邨成全路附近,隻西犘仔叫毛毛...5個月大....有晶片,毛毛患有遺傳髖關節疾病,雖長期服藥及到獸醫診所打針,希望各位愛犬人仕可以幫幫忙... 如好心人拾獲,請盡快聯絡!主人非常擔心毛毛安全同身體狀況,請大家幫幫忙留意一下!
毛毛女主人個blog: http://hk.myblog.yahoo.com/lenabbaby/article?mid=1
葉太你幾時生番個呀 ??
回覆刪除[版主回覆10/09/2009 16:23:00]生暗瘡就有我份!