小彬彬~

葉生個外甥 (即係小桃) 眨下眼就一歲有多喇! 早幾日仲聽見佢啊媽又有左 3 個月! 真係估佢唔到呀!

我覺得其實小桃都幾慘, 佢老豆老母返工由朝返到晚, 小桃日日係屋企就係對住個工人, 只係星期六日佢地兩公婆放假先有時間陪小桃, 又冇老人家可以幫下佢地睇下個工人, 只係靠個 web cam 去把住個工人, 好似坐監咁!

而家仲整多件! 一個工人又點湊兩個 babies 呢! 仲要咁細個!? 真係諗起都一額汗呀!

睇下我早排過年買俾小桃件唐裝幾潮!

其實呢個時間嘅小朋友, 如果可以花多 d 時間教佢, 佢可以識多好多野! 小桃佢好叻架! 我地教佢玩遊戲, 教一兩次佢就識架! 佢仲完全唔怕小白同威威, 係咁攞佢兩隻野塊面黎扯! 威少同小白仲怕左佢添!

我地仲發現其實小桃個樣有 d 似小彬彬架! 特別係個咀同塊面豬登呀!

好一個女版小彬彬呀~