年初四帶威少同小白去西貢搵 Dr. Mike 檢查同打預防針, 睇醫生前係全記露天位飲茶嘅時候, 隔離檯個啊姐一見到威少就已經笑到見牙唔見眼咁!
啊姐不斷話自己好鐘意洛威, 不過因為居住環境問題養唔到, 又話我威少好得意, 最攞膽係問我威少夠一歲未! 因為睇到佢唔係太大件同埋個樣好小朋友...............
真係唔知好嬲定好笑! 我威少已經足左 2 歲喇!
(雖然個樣係白痴同埋低能左 d !!)
跟住又有個鬼佬係咁影威少 wor! 佢仲用純正廣東話同我講 『我都養左一隻差不多咁樣嘅狗, 可唔可以俾我影多幾張相??』
而家 d 鬼佬真係犀利!
跟手去見 Dr. Mike, 並且到最緊張嘅磅重時間!!
..........
..........
..........
係 83 lbs! 比起 2008 年 2 月重左成 3 磅呀!
正確 d 黎講, 係由佢 8 個月大到而家都只係重左 3 大磅咋!
所以咪成個中童咁款 lor!
真失禮...............
威少個咀好似少左d野咁既???
回覆刪除[版主回覆02/08/2009 14:38:00]少左 d 咩呀? 口水呀?
我嗰對都無咩重過哦 我怕佢哋太重添呀
回覆刪除[版主回覆02/08/2009 14:41:00]其實我又唔係要佢好肥又或者要好大件, 不過佢由 8 個月大到而家都冇咩點大過, 都唔知係咪我養得佢唔好........不過佢而家呢個"戇框框" 嘅樣, 都幾好嘅! 起碼出西貢, 其他人都唔會話好驚先啦! 你對 ab 而家有幾重呀?
啱啱磅咗 囡囡31.5kgs 囝囝39.8kgs billy都唔夠威少重呀。 而呀囡輕番啲... 真係好呀
回覆刪除[版主回覆02/10/2009 10:51:00]billy 有 39.8kg 即係有成 87.5 lbs, 點會唔夠威少重呀? 你部咩計數機黎架!
威少好似冇晒d鬚咁既???
回覆刪除[版主回覆02/10/2009 14:15:00]有~ 不過送相機屎影唔到啫~
威少好受歡迎喎，出一出街都咁多FANS爭住同佢傾計影相呢！hehe
回覆刪除係哦... 我成日以為billy唔夠80磅添... 哈哈
回覆刪除