早幾日姨姨放假係屋企, 咁我咪走去佢屋企同佢吹下水囉! 姨姨住係我隔離果棟屋二樓, 正當我係樓梯行緊上去之際, 姨姨打開度門諗住俾 goofy 迎接我, 點知係呢兩條友仔出左黎, 仲扭哂屎忽擺哂尾咁款! 我都不以為意, 因為姨姨又大大件企係度, 而且兩年黎都冇咩事發生過, 所以都冇咩特別防備.
點知其中一隻唐狗女係我大脾度 "及" 左一野 wor!
姨姨見到都嚇左一跳! 即時攞爬山棍隔開佢地啦!
當時我又唔係特別痛, 都冇咩特別理佢, 點知後來去厠所先發現, 成大個牙印係隻腳度呀! 仲有一條俾牙拖過嘅痕跡 tim 呀!
<警告> 如果怕肉酸, 奉勸唔好睇!!
..........
..........
..........
..........
..........
我第日都有去睇醫生, 打左技破傷風針同埋攞左 d 消炎藥, 不過就行路都有少少扯住痛 lor!
真係血光之災呀!
之後應該係咪會發達呢??
嘩! 好堅喎!!!
回覆刪除[版主回覆02/27/2009 14:27:00]係呀~ 姨姨果兩隻唐狗真係好堅架!
佢屋企真係打開門都唔怕有賊呀!
嘩... 好似當日我隻脾咁呀！ 你有無洗傷口？一定要洗呀，牙係好dirty同毒架。 我見你傷口損咗啲，洗吓有著數！ 希望你早日好番。如果你要用去疤膏，記得等傷口完全埋晒先開始用，如果唔係會好麻煩。 請保持update，讓我知道你的近況。 威少好嗎？
回覆刪除[版主回覆02/27/2009 14:41:00]keep 住洗個傷口又冇 wor! 不過我日日都有用醫生俾果個消炎膏同姨姨果樽雲南白藥 lor!
好多謝你咁有心! 其實呢個傷口都係碎料, 極其量都係行路有 d 扯住痛同埋瘀左少少啫! 而且又係大脾比較上嘅位置, 都唔係太緊要~
另外有檀野仲堅呀! 因為威少自己咬爛左佢自己係花園果張太陽椅, 佢好鍾意呢張椅架! 所以我早兩晚咪自己漏夜幫佢用索帶修理張椅 lor! 你知呢排有幾潮濕啦! 特別係我屋企! d 霧水勁抽到我連對面間屋都望唔到! 我只係係花園大約 5 分鐘幫佢修理, 我成隻腳就已經俾蚊咬到好似隻梅花鹿咁喇!
我真係完全冇誇張! 果 d 死人蚊爛攪到我痕到要死呀! 我而家左邊大脾就有牙印, 右邊大脾由膝頭哥至屁股有成幾十粒蚊爛呀! (冇錯! 唔知係咪呢一 part 特別香! d 蚊只係咬呢度!!) 我對腳真係多災多難呀!
我呢兩日真係痕到想煎左自己層皮出黎呀!
你有冇 d 止痕方法可以提供? 有朋友教我用寶寶金水沖涼 wor!
嘩....真係好勁呀......
回覆刪除下次記得小心d，真係 "防狗之心不可無"呀....
[版主回覆03/02/2009 10:24:00]我知道喇!!!!
嘩！好慘呀！你會唔會有陰影呀？
回覆刪除[版主回覆03/02/2009 10:25:00]咁又唔會嘅~ 我諗佢都唔係有心嘅!
嘩！好勁啊！現在應該還很痛吧。
回覆刪除[版主回覆03/02/2009 10:26:00]其實俾狗咬到果個位又唔係好痛, 可能係因為我另一隻腳 d 蚊爛太痕, 所以完全遮蓋左傷口嘅痛啦!
你試過用蘆薈味呀？有新鮮的就用新鮮，要切去綠色的皮，用裏面透明的 jelly 塗那些蚊爛，有止痕作用，無新鮮的就用蘆薈膏！
回覆刪除[版主回覆03/02/2009 10:28:00]我屋企有種呀! 我之前聽人講蘆薈有分有刺同冇刺, 當中只係有一種可以食, 我屋企種果隻係無刺嘅, 用黎搽應該冇關係啦呵??
估唔到一隻唐狗都可以咬成咁,如果換轉洛威唔知會點呢?當時你著長褲定短褲?
回覆刪除[版主回覆03/02/2009 14:18:00]係牛仔褲呀!!!
佢好彩只係係咁意咬左一下就放口咋! 如果唔係後果真係不堪設想呀!
如果換轉係有洛威咬到人的話, 分分鐘上哂報紙啦!
哇哇哇 ~~~ 好勁喎 ~~~
回覆刪除哎呀姐姐你要小心D, 好耐先散瘀呢, DADDY都試過比狗咬,瘀好耐呢 ~
回覆刪除希望姐姐快D好番呢 ~
[版主回覆03/05/2009 08:55:00]多謝你呀~ 我都想快 d 好番, 如果唔係夏天就唔可以著短褲仔喇!
嘩, 好唔野少wor !!!!!
回覆刪除嘩 ~ 真係好勁 wor 好彩都有 d 肉地......唔係就仲慘啦
回覆刪除