rock'n roll!!

早幾日同威少出完街返屋企, 將個水兜洗乾淨諗住放番好之際..........

又俾我地諗到個新形象喇!

rock 友威!!!!!

真係 heavy metal 呀!

整多個 "膠錬" 變奏版!

抵得佢個衰樣幾得戚!

我威少嘅可塑性真係高呀!!!!

好一粒 model 界超新星呀!!!!

肥啡唔再肥.........

呢排發現 blueblood coffee 瘦左好多, 相對佢以前 "墮腩" 身型, 而家嘅佢真係有辱 "肥啡" 呢個朵!

應該係因為我地轉左隻新乾糧 (20lbs) 俾佢同細 b, 而家包糧食左四份三, 差不多食完之際, 就發現 coffee 不但止瘦左, 就連果隻乾糧都唔肯再食, 呢幾日我地都係俾濕糧佢先肯食, 所以聽日都要飛身去買番佢以前食開果隻乾糧俾佢地先得!   

回想我地 03 年係寵物店見到 coffee, 一見到佢, 就已經被佢 "挪威森林貓" 呢個名深深吸引, 當時寵物店話因為佢原先個主人養養下唔鐘意, 所以將 coffee 放返出黎賣, 據佢地所講, 果陣 coffee 已經歲半, 開價仲要 $3500! 我地初時都覺得有冇攪錯, 一隻成左年嘅貓仲賣 $3500? 後來返屋企越諗就越掛住佢, 我地知道如果我地唔買佢, 可能佢就咁就係寵物店過世! 之後同寵物店講價講到 $3000, 我地就帶左 coffee 返屋企喇!

佢初初返黎果陣, 骨瘦如柴, 食親野都好似餓鬼咁架陰公! 係絕左育之後先肥到一發不可收拾之麻!

最慘仲係成身都係結! 仲係完全解唔到果隻! 我地要同佢鏟哂 d 肚仔毛先攪得掂咋!

不驚不覺都養左 coffee 有 5 年, 佢以前好惡架! 唔俾我地抱佢架! 每次想抱佢都見血嘅! 不過近呢一兩年好左好多 loo! 都可以俾我地抱一陣 (不過抱果陣要 keep 住同佢 R 痕先得!) 仲學識左嗲我攞野食! 成日跟出跟入 tim! 見到佢成個瘦哂真係肉都尺埋! coffee 你放心啦! 媽媽一定會令你做番 "肥啡" 嘅! 你跟我姓陸我又點會唔關照你呢?

真係連環快拍??

通常星期日我地都唔會去街, 費事出去多人又多車, 留係屋企攤抖下仲好!

我差不多每個星期日都自己一個帶威少同小白出去行下山, 去下水壩又去下涼亭咁! (其實都係屋企附近) 葉生通常都唔會點 "蘇" 我地, 每次都係屋企睇賽車, 我就梗唔明點解 now 每個星期日都有賽車睇嘅?

卒之上星期日葉生敵不過我 d "音波功", 同埋我地幾仔乸出去行山! 重點係想試下我地部傻瓜 dc 影連環快拍嘅!

當日天朗氣清, 出到去第一件事就梗係搵我 model 威試下先啦!

睇下我威少個側面幾咁迷人!

仲識卷脷 tim!

正面睇咪又係個傻仔............

當然唔少得我小白仔啦!

呢張影得小白幾可愛!

最重要梗係試下個連環快拍啦!

第一拍

第二拍

真係好...........快.............呀!

第一拍同第二拍已經差左幾步喇! 呢 d 係咩 "連環快拍" 呀? 真係笑大人個口呀!

 

我係正式 model 威!!

星期五晚公司食完飯返到屋企都十一點幾, 沖完涼再執埋威少第日要用 d 野都成點鐘, 諗住約左第日十一點半啫! 訓到十點都卓卓有餘啦! 點知攝影師姐姐九點半就打電話黎, 原來我地之前 d 狗狗影得好順利, 所以我地可以提前影, 攪到我地手忙腳亂, 自己個樣都冇咩點理就揸車去獅子會喇!

威少: 唔知肥媽佢地帶我去邊呢?

威少: 平時肥媽同啊爸唔會咁早同我出街架! 今日仲只係得我一個 tim! 好緊張呀~

去到獅子會個路口, 見到架迎頭車上面有個姐姐仔同我地揮手 wor! 我地仲係度諗唔通威少真係靚仔得咁緊要? 人地見到都要同我地 say hello?

原來果個就係攝影師姐姐, 見到威少個豬頭樣就知道我地就係佢要影嘅七月之星!

係獅子會個停車場 social 左一陣之後, 我地一行 5 人 1 狗就開始我地當日嘅影相行動喇!

葉生拎住果 d 全部都係我地自己準備俾威少嘅造型用具黎架!

行到拍攝地點之後, 攝影師姐姐就叫我地俾威少自己行下, 消耗 d 精力先! 佢話咁會容易影好多!

我地幫威少換左兩副點超, 一條紅圍巾, 就完成左我地七月之星拍攝工作喇! 當中包括威少坐係草地帶住點超嘅靜止 look, 仲有威少帶住紅圍巾跑步 look!

威少呢個跑步 look 我都出左唔少力架! 因為我要係佢前面走, 個傻仔先發傻咁追住我跑麻! 來來回回走左五六次都有呀! 影完之後我地兩仔乸走到氣都咳埋! 

之後攝影師姐姐都有即刻俾 d 相我地睇下, 人地 d 專業機真係唔同 d, 想影威少跑步個樣? 整一下連環快拍之麻! 威少隻腳係不同高度都影到! 我地自己 d 傻瓜 dc 嘅連環快拍? 第一拍同第二拍都已經俾威少跑左兩步喇!

成個過程都只係影左半粒鐘, 攝影師姐姐仲讚我地威少乖仔 tim!

最後我當然問實攝影師姐姐係咪 sure 威少確實係七月之星啦!

攝影師姐姐話: 放心啦! 威少一定有份架! 佢咁靚仔!

yeah~

之後我地攰到不得了, 返到屋企幾仔乸訓左成個下晝!

睇下威少攰到個衰樣

 

做 model 真係唔容易架!

 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

係咪覺得 d 相好似少左 d 呢? 想睇威少七月之星個樣? 咁就要等蘋果出左個月曆先有得睇喇!

(唔係我地扮野賣關子呀! 而係我地當日都影得好少相! 我就掛住陪威少跑, 葉生又要同威少抹口水! 我地兩個完全冇手得閑幫威少影花絮呀!!!)

應該十一月中左右就有得換喇!!!! 多多支持下我威少啦!!!!!

 

水著 look

呢幾日多得公司同事熱烈支持, 先至可以有咁多配件同威少嘗試不同造型! 今次有玉桂狗水袖一對!

加埋久未出鏡嘅小白合演 "黑白雙煞"

擰擰左

又擰擰右

加多個潛水鏡就真係冇得頂喇!

嘗試新形象

距離星期六影相大日子越黎越近, 我地每日都係屋企捉威少影相, 每次都整個新做型俾佢歎下!

<戇直四眼仔>

<我愛蝴蝶結>

呵呵呵呵呵~

我的七月之星

自從尋日 firmed 左我威少係七月之星之後, 我一返到屋企就即刻同威少張羅下個做型先啦!

起初葉生話要威少帶帽, 我就更係話唔好啦! 帶帽咪會遮住我威少個靚仔樣 lor! 所以最後都只係選擇帶圍巾同黑超就算喇!

我而家最驚就係到星期六果陣, 我 handle 唔到威少定定地俾人地影相咋! 到時又係室外地方, 都唔知點攪!

最大鑊係威少每次一出親街都好似傻仔咁 natural high 架!

到時或者帶威少跑一陣, 等個衰仔攰攰地, 咪會乖 lor! 呢隻衰野懶過鬼, 應該好快謝皮啫!

難為了媽媽!!

自從上星期六肥媽收到蘋果個姐姐通知, 話攝影師會係兩日內打電話約我地去影相之後, 肥媽就一路痴痴呆呆咁等電話, 直到早兩日啊屎面毛都影左相喇! 我地都未收到任何通知 wor! 攪到肥媽急到屎屎下!

(屎面毛 --> 肥媽個 friend 隻貓, 同威少一樣被選中做月曆之星)

於是肥媽問左屎面毛個啊媽攞左攝影師個電話, 諗住打電話去問人地點解咁耐都唔搵我地 lor!

點知打左兩日都冇人聽電話 wor! 終於尋晚先搵到個攝影師, 佢話暫時未影到我地西貢區, 會好快 call 我地, 叫肥媽唔駛擔心!

計我話肥媽今次真係 "瘀" 到震呀! 以我一幅 camera face, 駛咩擔心佢地唔打電話黎啫! 佢地唔搵我影係佢地損失之麻! 攪到我地而家好似 R 撈咁!



~~~~~~~~~~~~~~~~~~~~~~~~~~~~~~~~~~~~~~~~

最新消息: 剛剛攝影師打電話俾我, 已經 confirmed 左星期六影相喇! 仲已經 set 左威少係七月之星, 叫我準備定 d 做型 tim!

呵呵呵呵呵~

rehearsal~

為左令威少可以更從容咁俾人影相, 呢幾日我地兩老都用密集式嘅方法, 同威少黎個 rehearsal 先!!! 我地將屋企入面所有可以用黎俾威少戴嘅野都俾佢試過哂! 務求令威少唔會因為身上面有其他飾物而唔舒服!

呢兩日威少影相先發覺佢真係好有潛質食 model 呢行飯! 威少一戴左幅黑超之後, 佢個頭就會自自然咁岳高! 仲會自己慢動作咁擰頭 (好慢果隻!), 等我地可以從多角度捕捉佢個衰樣!

睇下佢個衰樣幾得戚!!

"指威為鹿" 裝~

最衰我屋企冇恤衫又或者裙仔啱佢著啦...................

details....

頭先實在係俾開心沖昏左頭腦, 其實 <蘋果> 個姐姐打電話俾我果陣, 我都問左好多 details 野架! 我地做正經野果陣好正經嘅!

1) 威少係咪 confirmed 有份登 09 年月曆?

>> 係, 不過如果影相當日狗狗心情唔好, 表現失準, 真係影唔到靚相的話, 都有可能會有變數

2) 我 total 有四個參賽者, 只有威少一個被選中?

>> yes

3) 影相 location, 時間, 會唔會有其他狗狗同場?

>> 室外, 多數 weekend, 應該唔會有其他狗狗 (多數會先行腳影果隻)

4) 攝影師影嘅相, 我會唔會有份 copy?

>> 全部就未必, 因為暫時都未知會影幾多, 可能過百張都未定, 不過影得特別好果 d 會有

<蘋果> 姐姐仲特別提我, 要帶齊威少 d 打扮裝備去, 即係相入面果 d 黑超呀! 頭巾呀! 衫仔呀咁!

我威少有得做 model 喎! 你要我帶原子彈都冇問題啦!

所以呢~ 威少又有個新朵喇!

model 威 (音: 磨 dell 威)

係咪好有星咪呢?

呵呵呵呵呵!!

oh! my god!!

尋晚仲同葉生講緊唔知 <蘋果> 個月曆之星幾時會知道結果, 點知..............

我頭先收到電話..............

威少已經被選中左喇!!

OH! MY GOD!!

我威少可以做 09 年月曆之星呀!

我真係做左星媽呀! (月曆之星個啊媽咋!!)

OH~ 我當堂即場跳起呀!

簡直開心到痴左線呀! 直頭想打開門大聲講比其他人知呀!!

(個傻婆開始發癲喇!!)

洛威會嘅朋友! 放心啦! 我威少一定會肩負起洛威親善大使嘅責任, 將洛威可愛一面呈現俾大家睇架!

呵呵呵呵呵.............

我要做星媽!

我屋企掛左一個 <蘋果日報> 嘅 08 年狗狗掛曆, 我自己覺得月曆入面除左有幾隻狗狗真係好得意之外, 其他都係普普通通, 咁啱同事通知我  <蘋果>  09 座檯月曆 Fest Pet 大募集, 我即刻拿拿聲全家總動員參加啦!! 一陣唔覺意俾我做左星媽仲得了!?

如果當選月曆之星, 除左可以有相刊於 <蘋果> 09 Fest Pet 月曆其中一個月份之外, 仲會有專業攝影師黎影一輯靚靚沙龍, 專業攝影師 wor! 影得一定靚過自己影多多聲啦! 佢地貓狗各選 12 隻, 我每邊都有兩隻參加, 成數都有番咁上下掛!? 我有理冇理 sent 左 "乍" 相過去先, 斷估都有一隻半隻入選掛??

下面 d 相就係其中一部份喇! 你估有冇機會呢??

一號佳麗威少~

二號佳麗小白~

三號佳麗細 b~

四號佳麗 coffee~

真係好心急呀~ 唔知我有冇機會做星媽呢??