天真飛

coffee 真係一隻勇於嘗試新野嘅貓, 但凡屋企有 d 咩新野, 不論係紙箱好, 紙袋好, 咩垃圾都好, 佢都以為係俾佢訓嘅! 總係第一時間走埋去攤低就訓!

尋晚我地將個菊花茶紙皮放係廚房, 諗住打風遲 d 先拎出街掉啫! coffee 眨下眼又走左入廚房試訓喇!

 

肥媽: 飛哥~ 你又訓係廚房做咩呀??

coffee (又名 call 飛): 唔.........我係度試緊我張新床仔呀! 我仲索到好香紙皮味呀!

肥媽: 飛哥你唔好咁攪笑啦! 無情情我又點會放張床仔入廚房呀!? 垃圾黎架!

coffee: 吓? 我真係好天真, 好傻..........

肥媽: 你唔好叫飛哥喇! 仲好意思話自己係 blueblood 添!

 你咁天真, 叫天真飛吧啦!

 

 

悶到嘔??

早幾日聽鄰居姨姨講左一單笑料! 係關於佢隻金毛尋回犬 goofy 嘅!

話說早幾日半夜時份,  goofy 嘔得好犀利! 姨姨張梳化都俾佢嘔到就連塊褥都濕哂! 初時嘔糧, 跟住嘔泡, 再黎嘔水! 總之就 "嘔" 績處處! 抹到姨姨兩母女死死下!

姨姨個女見 goofy 嘔得咁勁! 第二朝即刻帶左 goofy 去西貢睇醫生啦! 原本冇哂精神嘅 goofy 一出門口就已經生龍活虎! 一路上都笑騎騎咁! 鬼死咁開心!

一去到 Q-pets 見到肥仔 mike 醫生............

醫生話 goofy 冇咩唔妥 wor! 好健康呀! 問姨姨個女係咪好耐冇同佢去街街, 估計 goofy 應該係扭計所以先嘔啫!

真係俾佢吹到 "啤啤" 聲!!!!

仲唔係 "真狗版悶到嘔"???

我聽到 goofy 冇得去街好似好慘咁, 心諗又係好難嘅! 姨姨同個女嘅番工時間都唔定, 除左同 d 狗狗落下街尿尿之外, 都冇咩時間再同佢地去其他地方玩, 我見自己放隻係屋企又冇咩特別野攪, 咪帶 goofy 黎我度, 等佢開心下 lor!

goofy 每次見到我都好開心架! 知道我實帶佢黎我屋企玩麻!

之但係帶左 goofy 過黎之後, 我真係位都冇得企咁滯!

goofy 同威少一狗一位, 隔離坐多個葉生添! 成套梳化 fit 哂!

我咪只有做賓妹果份, 係咁拖地 lor! 點解? 佢兩條友仔又甩毛, 又口水周圍 fing! 唔拖地的話, 地下一個個水氹都似!

I AM 中女!!

早兩日係我轉型做中女嘅日子! (雖然我外表仲係青春少艾~)

以前未夠 18 歲果陣就成日望成年, 著衫又扮大人, 但係一過左 18 歲之後, 眨下眼又 3 字頭, 真係歲月催人呀~

各方友好都送左好多生日禮物俾我, 直頭有 d 用唔切嘅感覺!

鄰居姨姨送嘅 "小海豚手錬" (佢成日話我好似小海豚咁肥肥地 wor!)

啊鬼送嘅植村秀 eye shadow~ (我一直都好鍾意金色架!!)

滕滕送嘅 anna sui 鮮紅色指甲油! (估唔到又幾好用 wor!)

同學仔送嘅韓國 BB cream (呢排好興架!!! 一支就可以做哂 base, 防曬, 遮瑕, 保濕, 控油, 粉底, 最緊要用左之後塊面唔會覺得立麻!!!)

啊覃係日本買俾我嘅貓爪打火機!! (好棧鬼架! 會伸 d 爪出黎架!!)

啊屎送嘅 liquid eye shadow! (暫時未識得點用, 要再試下先!!)

筲箕灣友送嘅 mrs. field cookies~ (真係肥屎人呀!!!)

仲有肥肥同我老細每人都送左盒朱古力俾我 (不過無影到相喇!)

今次係我近幾年收得最多禮物, 又最開心嘅生日! 希望以後每年都可以好似今年咁高興啦!!

葉生有咩同我慶祝? 掹車邊都叫做同我去左食左餐 candle night dinner 啦! 都已經好過以前好多喇! 佢以前連我生日都唔記得呀!

人狗兩團圓!

中秋節正日當日, 葉生 d 親戚入左黎我地屋企 BBQ, 大人加埋細路成十幾人, 雖然我今次唔駛準備食物, 但係佢地走左之嘅清潔工作做到我眼都坦!

最 R 頭係 d  人唔知點解出花園唔鍾意著鞋! 出面燒緊野食, 地下都唔慌乾淨啦! 仲要係咁行出行入, 踩到屋入面污糟到死! 又係咁開門閂門, 咁會俾 d 蚊飛哂入屋麻! 真係唔明呢班人想點!?

最不知所謂係你黎我屋企, 識我嘅人都知威少佢地四隻野係我屋企一份子, 你入得黎就預左佢地係度啦! 入到黎見到威少又 V 嘩鬼叫! 又話好驚咁大隻狗! 你可以唔入黎架! 咁大家咪相安無事 lor! 你唔係諗住我會困住威少黎應酬你地呀??

唔好講埋哂 d 無謂人喇! 不如睇下威少 d 相啦!

睇下威少戴住副螢光超幾有型!

螢光棒呢樣野真係洛威拿嘅最佳服飾! 威少本身黑媽媽! 一戴左螢光棒啫! 就算佢夜晚出花園尿尿唔開燈, 都可以睇到個衰仔係邊啦! 仲邊有得玩保護色呀!

再加 "小象與威少"

睇下威少 d 眼神幾咁天真同傻!

 

頭都痕埋!

好耐都冇 update 個卜喇! 之前係公司鬼咁多野做, 返到屋企又唔想開電腦, 又要睇奧運, 所以成個幾月都冇寫卜 lor!

呢排俾威少攪到我就黎痴線喇!

之前天氣未有咁熱嘅時候, 威少日頭係花園度做園長, 到我地放工先入返屋, 直到早兩個月咁上下, 因為天氣炎熱, 又成日落雨落到倒水咁, 所以我地日頭都冇放威少出花園, 費事熱死個衰仔!

以前威少細個果陣, 都係屋入面冇出花園嘅! 但係就例必攪到天番地覆! 我每日都要仆番屋企同佢善後, 但係呢兩個月以黎, 威少再冇好似細個咁, 攪到屋企亂七八遭, 又冇再周圍尿尿.

正當我老懷安慰之際...............

個死仔包唔知點解又係廚房門口痾督尿俾我嘆!

我打又打過! 鬧又鬧過! 又試過唔睬佢! 又試過同佢 "講耶穌"! 都冇佢符!

攪到我而家又要回到以前, 一放工就開行 turbo 番屋企, 務求係葉生返屋企之前清理現場, 如果唔係葉生一定打到威少痴埋牆呀!

我最唔想就係葉生要威少日頭出番花園麻!

天氣涼就冇所謂啫! 而家日頭咁曬! 威少又黑 mon mon 咁! 唔熱死佢就有鬼啦!

大家有冇咩方法呀????????