我屋企有一隻壞份子 --> 葉細 b (冇錯, 壞份子係跟葉生姓嘅!!)
呢隻壞份子係呢幾日整左兩單大野俾我!
事件 (一)
我係 supermarket 買左 pack 咸蛋, 放左係雪櫃頂, 訓醒發現個衰仔將成盒咸蛋打開左, 連袋住咸蛋嘅透明膠袋都撕開哂, 仲將 d 咸蛋當波踢, 整到成個客飯廳都係咸蛋果 d 黑媽媽油淋淋嘅粉! 抹左我成日呀! 抹到我嘔白泡咁滯呀!
你打佢又唔係, 唔打佢條氣又頂住!
(因為如果唔係當場捉到佢地, 就算打佢鬧佢都冇用, 佢地都唔會知道自己做錯咩事!)
呢個衰仔整完單黑色事件俾我嘆之後, 今朝仲整番單白色事件俾我 balance 番 tim!
事件 (二)
尋晚訓覺聽到 "boom" 一聲, 都心知不妙喇! 無奈太眼訓, 所以冇彈起身睇下咩事! 到我今朝起身, 見到個廚房地下白濛濛, 原來個衰仔將我放係窗邊盒豆粉拉左出黎玩! 我一直都係用一排三件果 d 盒用黎放鹽, 豆粉, 粗鹽, 個富貴就只係拉左中間果盒豆粉出黎! 仲要印到一個個白色腳印, 由廚房行到出客廳! 真係屎都滾呀!
點解我會有一隻咁嘅貓架!?
哇, 我想像到當時個情景 ~~~ 激啊 ~~~
回覆刪除[版主回覆07/14/2008 10:30:00]我直頭想殺人 tim 啦!
葉細B真係堅！！.....佢真係識玩..玩完咸蛋....玩豆粉！！我都想像到當情境....真係火都嚟.......
回覆刪除唉！！我屋企隻巴撤亨都係咁....最鍾意咬廁紙、抹手紙、膠袋、膠樽、最激嗰次咬我數薄.....有一次重扮痴、扮傻，我地瞓緊瞓....佢自己出去廳度咬嘢...咬完之後再返返入房同我地一齊再瞓過.....嗰吓真係估佢唔到...打極都唔怕......最後解决方法就係冇人係屋企就帶口罩....我都知帶口罩好生苦...不過我真係唔想次次返到屋企都好似戰場一樣.....
[版主回覆07/14/2008 10:33:00]就算有口罩俾細 b 戴都冇用, 條契弟咩都識得開架! 就連 lock & lock 密實盒都開得到! 我諗俾個夾萬佢都開得到呀!
細B見你悶悶哋，幫你調劑一吓
回覆刪除[版主回覆07/14/2008 10:33:00]真係 "調" 呀.........
葉細 b, 你好強呀 ~ 事關你識打開個咸蛋外面個膠袋先去踢, 另外又會選無殺傷力 keer 豆粉黎印腳印, 我真係拜服你啦
回覆刪除[版主回覆07/14/2008 10:34:00]如果可以的話, 帶細 b 去歡樂滿東華幫手募捐, 可能都有 d 效!
真係破壞王喎, 罰佢一日冇罐罐食喇~
回覆刪除[版主回覆07/14/2008 10:35:00]我 d 貓貓唔係成日有罐罐食架! 只係一個星期一罐到! 細 b 衰成咁, 已經害到 coffee 都一齊冇得食罐罐喇!
佢可能見出blog成日都冇佢份, 所以做破壞王 , 增加曝光率 .
回覆刪除[版主回覆07/14/2008 10:36:00]哈~ 可能係真 wor!
WOW...葉細b你好勁呀
回覆刪除[版主回覆07/14/2008 10:36:00]勁秋哩?
嘩！細b好激呀！估唔到佢貓仔細細破壞力會咁大架！可唔可以夜晚關左度廚房門呀，等佢無得入去搞搞震呀嘛！
回覆刪除[版主回覆07/14/2008 10:37:00]我個廚房有度膠摺門, 即使閂埋左, 條契弟識得點樣開架!
你不如用另一角度欣賞下細b, 佢~~~好識揀, 有眼光~~~
回覆刪除[版主回覆07/14/2008 10:38:00]唉...........咁細 b 真係好聰明嘅!
嘩！我好彩無開放式廚房咋！
回覆刪除寵物展去唔去？有乜策略呀？過兩招嚟呀！？
[版主回覆07/14/2008 10:41:00]我個廚房都唔係開放式架! 只不過度門閂左佢都識得開! 冇佢符咋!
機場個寵物展我應該唔去喇!
我地呢 d 師奶仔, 計過條數, 我同葉生兩個人揸車去, 扣埋橋費, 停車場費, 油錢, 買多多野都平唔番條數啦! 分分鐘仲貴左 tim!
我住個區有shuttle bus去，唔駛$！
回覆刪除[版主回覆07/16/2008 16:25:00]咁就真係不妨去睇下喇! 最好 8 到有免費入場劵啦!
最好帶定購物車去, 唔駛抬到屎屎下麻!
我完全想像到當時嘅情形...因為我隻仔試過玩哂成盒洗衣粉...我見到真係暈喺度...
回覆刪除[版主回覆07/16/2008 16:25:00]嘩! 洗衣粉仲勁 wor! 咪洗到嘔白泡?