有靚女呀~

買左兩個髪圈俾自己, 一個金色, 一個銀色, 我咁錫威少,

當然會同佢分甘同味啦!

先黎金色橡筋耳!!

再黎金銀潤頭花!

頭頂金冠!

我威少係就係黑左 d ! 但係都有做 model 嘅潛質啊!

睇佢郁都唔郁咁俾我攪到佢鬼五馬六就知啦! (雖然眼神呆滯左少少! 初初影呢 d 相係咁啦!)

睇下佢呢張終極八婆眼神!! 仲要係 "姣斯櫈督" 果隻!

係咪有 d 招架唔住呢!

小桃 baby~

上星期同葉生去探佢妹妹, 見下好耐冇見嘅小桃 baby!

唔經唔覺小桃已經 6 個月大, 小朋友真係大得快, 同我地上一次見佢都已經唔同哂! 個樣仲成個男孩子咁 tim!

1 day~

1 month~

6 months~

只係見到佢個肉騰騰嘅下巴已經好好笑啦!

唯一一樣冇變嘅就係佢塊包包面!

葉生見到小桃個樣 lum 到呢! 連講野都用哂假音果隻! 仲同小桃講, 叫小桃叫佢舅父 wor! 6 個月大識叫你做舅父? 葉生真係痴左線!

抗通脹!!!

近排通脹強勁, 我地呢 d 師奶仔唯有出盡發寶, 呢度慳 d , 果度慳 d , 唔係真係搵多多都唔掂!

尋晚用左 $12 買左碎牛肉, $7 買左 4 個蕃茄, 整左個煎蛋蕃茄牛肉飯, keep 到 under $20 一餐飯呢個 target!

我仲加埋小紅腸, 如果出街食的話, 呢兜野起碼都要 $30!

我真係一個消費精明眼呀!!!!

港燦版親子丼

之前睇到 Miss Jubie Blog 入面有個親子丼, 又再激發起我個小宇宙, 返屋企整左呢個 "港燦版親子丼"

原先 Miss Jubie Blog 個親子丼要用幾種特別材料, 好似麵豉, 海帶等等, 但係我又唔想特登去買, 好似好重皮咁, (我係一個 "姑寒" 師奶仔麻!!) 所以我就用左廚房既有嘅調味料黎整喇!

材料：

雞扒       2件 (切幼絲)

洋蔥       1個 (切幼絲)

蛋         2隻 (打勻)

 

醃料：

砂糖       1茶匙

胡椒粉     少許

雞粉       1 茶匙

麻油       2 茶匙

豉抽       2 湯匙

老抽       1 茶匙

酒         少許

 

醬汁料：

糖         1 茶匙

雞粉       1茶匙

蠔油       1湯匙

 

做法：

1. 將雞扒洗淨切件, 用醃料醃約半小時

2. 開火, 待鑊燒熱後加油, 先炒雞脾肉, 加入洋蔥絲再炒, 再加入醬汁料, 見滾後煮約 5分鐘, 見雞脾肉熟透及洋蔥絲軟身, 倒入蛋漿，然後熄火蓋上鑊蓋待 2-3 分鐘, 開蓋後再兜炒幾下, 見雞蛋呈半熟便可

3. 將雞肉及洋蔥鋪入已載有白飯之大碗, 攪掂!!

 

 

我呢個港燦版成本只需 $15!!!! (兩人晚飯份量仲連埋我第日帶飯返公司食!!)

係而家樣樣野都咁貴嘅時候, 真係抵到爛呀! 就連葉生呢個百彈齋主都前所未有咁讚 very good 呀!

 

想睇下原本 Miss Jubie Blog 果個?

http://hk.myblog.yahoo.com/miss-jubie/article?mid=5415

 

(希望 Miss Jubie 唔好介意我咁樣改左你個食譜啦!)

 

 

 

 

好熱呀!

今日大暑日, 熱到叫救命! 好彩而家威少唔駛再係花園啫!

天氣熱成咁, 我屋企 d 貓都不知幾滋陰!

coffee 他他條條咁攤係地磚發白日夢.....

細 b 係櫃頂.....

有 d 咩可以令佢兩兄弟坐定定?

答案係白灼蝦一隻!!

細 b 仲嫌我地手腳慢, 係咁叫我地快 d 俾佢食 tim 呀!

同場加映 blueblood coffee 側面一張!

老懷安慰!

呢排落雨落到咩咁! 點忍心要威少出花園呢! 諗住放佢係屋入面, 最多返黎抹餐死啫! 好過威少淋雨啦! 一陣冷病左要睇醫生咪仲衰!

不過威少真係大個仔喇! 佢冇再係屋企攪攪震喇! 又冇再整爛 d 野! 我呢個做啊媽嘅真係老懷安慰呀!

(以前威少 d 戰績有幾勁, 請看小白攬枕....... )

經我多番遊說, 葉生而家終於都唔再堅持要威少出花園喇!

我而家唔駛再成日擔心威少係花園喇! hahahahahahahahaha!!!

long time no see.....

威少: 肥媽呢排好耐冇幫我地寫 blog 喇!

小白: 冇飯開就驚啫! 冇寫 blog 幾唔閑啫!

威少: 我驚 d 朋友仔唔記得我地喇!

小白: 吓? 你講講下又係 wor! 真係冇哂心機呀!

威少: 肥媽再係咁落去, 攪到 d 姨姨同叔叔唔記得左我地! 會嚴重影響到我地 d 小食來源架!

作死你地兩個死仔呀! 係度 "督" 我背脊? 唔通唔做野, 剩係一日到黑幫你兩隻野寫 blog 就有飯開! 我唔做野你兩條友仔屎都冇得食呀!

旨意你老豆養就真係訓街啦!

家有破壞王!!

我屋企有一隻壞份子 --> 葉細 b (冇錯, 壞份子係跟葉生姓嘅!!)

呢隻壞份子係呢幾日整左兩單大野俾我!

事件 (一)

我係 supermarket 買左 pack 咸蛋, 放左係雪櫃頂, 訓醒發現個衰仔將成盒咸蛋打開左, 連袋住咸蛋嘅透明膠袋都撕開哂, 仲將 d 咸蛋當波踢, 整到成個客飯廳都係咸蛋果 d 黑媽媽油淋淋嘅粉!  抹左我成日呀! 抹到我嘔白泡咁滯呀!

你打佢又唔係, 唔打佢條氣又頂住!

(因為如果唔係當場捉到佢地, 就算打佢鬧佢都冇用, 佢地都唔會知道自己做錯咩事!)

呢個衰仔整完單黑色事件俾我嘆之後, 今朝仲整番單白色事件俾我 balance 番 tim!

事件 (二)

尋晚訓覺聽到 "boom" 一聲, 都心知不妙喇! 無奈太眼訓, 所以冇彈起身睇下咩事! 到我今朝起身, 見到個廚房地下白濛濛, 原來個衰仔將我放係窗邊盒豆粉拉左出黎玩! 我一直都係用一排三件果 d 盒用黎放鹽, 豆粉, 粗鹽, 個富貴就只係拉左中間果盒豆粉出黎! 仲要印到一個個白色腳印, 由廚房行到出客廳! 真係屎都滾呀! 

點解我會有一隻咁嘅貓架!?

斷正!

睇下呢兩條死基佬! 真係笑大人個口呀!

(由於怕佢地兩隻野會轉 post! 所以部 DC 咩都冇較就影, 質素差左少少, 請見諒!!)

西貢第一金!!!

我係呢度隆重宣佈...........小白係尋晚終於痾左佢第一督屎喇!!!!!

呢一督西貢第一金, 真係令我笑逐顏開呀!

從來未有因為一督屎可以令我咁開心! (你話我係咪痴痴地線呀?)

雖然仲係比較淋, but anyway 都已經係小白好番嘅表現!

多謝哂大家嘅關心!

不過小白就因為有兩日斷食嘅關係, 成個瘦哂呀陰公..........

條腰仲好似人地 d 肥婆減完肥一樣, d 皮鬆泡泡咁呀!

真係骨都尺埋呀!!!!