上星期係我第一次去泰國, 去之前都有做過 research, 知道果度賣狗狗用品好平, 所以帶定個大喼去, 諗住瘋狂入貨!
最初我直頭係未出發先興奮果隻, 不過亦因為期望越大, 所以失望越大吧! (唔關泰國事.........係個人問題啫!)
今次間新酒店 courtyard by marriot, 係上年年尾先開, 樣樣設施都好新, 行去 siam 同 centralworld 都係 5-10 分鐘, 又近 BTS 站, 值得推介!
酒店豐富自助早餐 (日日食都願呀!)
outside cafe 無聊自拍
雖然房間唔算太大, 不過因為開左冇幾耐, 所有野都新簇簇!
厠所以玻璃相隔! 如果係 couple 去的話, 都幾得意!
雖然我勁怕熱, 不過去到其他地方, 都要體驗下民情, 所以特登搭 BTS 去 JJ market
行 JJ market 真係熱到痴肺! 不過就買到好多又平又靚嘅衫仔俾威少同小白! 又買左 t-shirt 同迷彩褲俾葉生! 仲買左 d 好好食嘅 snacks 做手信!
仲係 zen 度見到一隻逼真度十足, 真狗 size 嘅塑膠洛威! 如果佢有細隻 d 的話, 真係想抬隻返香港擺係門口!
又去左唐人街食魚翅, 不過 d 魚翅分量就真係...............
飛機窗外........
如果下次再去泰國的話, 一定要有一個好 partner!
(收穫篇 coming up................)
泰國我好想去呀 ,養咗佢地之後都無去過,我好喜歡泰國架,去過第一次之後,連續四年都有去.有無去翟度翟呀,個度D嘢超平超多嘢賣.
回覆刪除[版主回覆06/04/2008 17:08:00]我就係自己一個搭 BTS 去左翟道翟 (JJ market), 係就係好多野賣, 但係我行左 2 個鐘已經頂唔住, 拎到成手都係, 又熱又焗!
就係買得最多野俾威少同小白 lor!
你又去左太腳呀, 有無咁多人有我去反呀, 搞到我好鬼想去添.
回覆刪除[版主回覆06/04/2008 17:09:00]係呀! 我仲完全依照你之前嘅 "狗狗 shopping guide" 去左 night bazzar 搵 pat pet shop 買狗狗零食, 又去左 JJ market section 17 & 19 買衫仔 lor!
睇黎你既收獲都唔少喎 !!
回覆刪除[版主回覆06/05/2008 12:24:00]請留意下篇
收穫 ~ 狗狗篇
有詳盡介紹~
你點樣處置威少佢地呀，放狗酒店 想話聲你聽第５幅相，有ｄ驚嚇feel喎，你想嚇人呀 ，仲有咁大隻洛威公仔幾銀呢
回覆刪除[版主回覆06/05/2008 12:27:00]我當然唔會放威少佢地去狗酒店啦! 葉生都冇去! 佢咪照顧哂 4 隻野 lor! 平時咩都唔駛佢做! 都係要佢頂 4 日啫! 我仲有叫鄰居姨姨得閑過黎監察下葉生有冇虐待佢地呢!
咩驚嚇啫! 都不知幾靚呀!
我又冇睇到要幾錢 wor! 咁大隻............就算平你都唔會托返黎啦!
唐人街食翅有一間外表好Up dup, 但真係好好味而且真材實料架...
回覆刪除係囉, 個度d寵物嘢好多嘢, 你買咗乜嘢丫, 我前年去都買咗好多番黎
[版主回覆06/05/2008 12:29:00]而家樣樣野都貴呀! 我去果間我朋友之前去過, 都話好多魚翅架! 不過今次一齊去食, 佢都話 d 料少左好多! 冇辦法啦! 將貨就價麻!
請留意下篇 "收穫 ~ 狗狗篇"
點解我見唔到隻洛威嘅？我都有去哦~
回覆刪除[版主回覆06/09/2008 11:52:00]係 zen 入面賣狗狗用品嘅 department 度 wor!
間酒店好正咁喎，其實得閒去下泰國係幾好，食下野，買下野做下spa，簡直係人生一大樂事呀！
回覆刪除[版主回覆06/09/2008 11:53:00]但係放低佢幾隻野就心掛掛咁 lor!
呢間酒店都唔錯呀, 威媽你自己多唔多收獲呀,食得多唔多野呢 ?? hehe
回覆刪除[版主回覆06/09/2008 11:53:00]我自己收穫麻麻咋! 不過買到咁多野俾佢地我都已經好開心啦!
d狗狗做得好似啵~
回覆刪除[版主回覆06/09/2008 11:54:00]係呀! 最衰太大隻咋! 唔係放隻係門口都幾好!
我都想訂呢間, but 我會同我parents 一齊去, 所以又想去返河邊o個間marriot, 貪佢個pool 大d, 等我亞爸swimming swim 得開心d~
回覆刪除[版主回覆06/10/2008 14:13:00]但係呢間真係好就腳 wor! 係個 swimming pool 可能細少少, 不過都有一個細細地嘅按摩池呀~
而且呢間酒店係上年年底先開, 真係好新淨 lor!