小白唔經唔覺都已經 5 歲半喇! 佢係我第一隻養嘅小狗, 初時咩都唔識, 見到小白肚痾就以為佢就黎死, 喊到豬頭咁款, 一路養一路學, 雖然而家都唔係咩專家, 不過最緊要健康就得啦!
小白係我屋企嘅親善大使, 係人黎到我屋企都可以攬攬抱抱, 佢仲會好定咁坐係人地大脾 (不過對眼係望坐我嘅!), 但係對狗狗就唔同喇! 不論大狗細狗, 小白見到都會好驚! 驚到係咁流口水! 有時仲會驚到四圍避走! 就好似初初威少黎到, 即使當時威少仲細隻過佢, 小白都驚到流左一個星期口水! 另外就係每次去親獸醫診所, 小白又係 non-stop 咁流口水!
每當行雷閃電, 就係小白最驚嘅時候, 佢會驚到全身震哂! 佢果種震就好似電視劇人地觸電咁款! 連 d 牙都係度震! 又要 "痴" 係我地身邊! 初時都覺得佢係度扮野! 但係你見到佢果個驚樣! 又覺得佢好陰公咁! 好似呢幾日咪不停落雨又行雷閃電嘅! 小白都係屋企震左幾日啦!
尋晚行雷果陣, 我又放工未番到屋企, 葉生又咁啱沖緊涼! 小白誇張到跳左入浴缸搵葉生呀! 因為我地有用浴簾, 所以初時葉生見唔到小白跳左入去, 因為小白只係企左係浴簾同浴缸之間, 後來葉生奇怪點解塊浴簾會突起左一大舊呢! 再睇真 d 見到四隻腳! 先知道小白跳左入去! 真係笑死人呀!
無膽鬼 >>>>> 小白仔 (三個月大)
**小白仔細個真係好 cute 架!
傻小白~~ 想沖涼出聲嘛~~
回覆刪除[版主回覆06/17/2008 14:47:00]可能佢想睇葉生全相就真!
(Empty)
回覆刪除小白驚到匿埋入浴缸ar?
回覆刪除[版主回覆06/17/2008 14:47:00]係呀! 佢驚得零舍誇張架!
笑爆呀！小白裝葉生沖涼？
回覆刪除[版主回覆06/17/2008 14:48:00]可能佢想同葉生比下.......
小白個樣好苦惱啊 ~~~ sun零晨呢, 有個超級響既雷啊 ~~ 咁小白咪好驚law ~~ oh ~~~
回覆刪除[版主回覆06/17/2008 14:52:00]係呀! 驚到坐左係我心口呀!
咁誇張！我希希都驚，但第二次雷已經唔驚lu！
回覆刪除[版主回覆06/17/2008 14:52:00]小白特別水皮架!
小白驚成咁呀, 點解唔搵威少頂住下先啫
回覆刪除[版主回覆06/17/2008 14:53:00]車~ 威少對行雷毫無反應呀! 邊度好似小白咁醜怪呀!
哇, 咁小白好似重驚過我粟米啊, 我粟米就係度um um咁叫law ~~~ 而我呢就煩喇, 我度又比雷劈中喇 ~~~ cut哂電, 要霧住大雨落去開番個大制~~~
回覆刪除[版主回覆06/17/2008 15:24:00]吓? 咁犀利? 你一個女仔真係要小心先好呀!
嗯嗯, 知道 ~~~ 我果度呢, 真係好怪, 唔知係咁岩定係點, 當年一開始住, 次次一行雷呢, 一定中一至兩次 ~~~ 但係次次我中左, 眼見呢隔離左右前後乜事都冇架喎 ~~~~ 激死 雖然落去開番個大制就掂, 但因為通常行緊雷出面都係倒緊水咁~~ 所以次次開番個大制, 都攪到成身濕哂 ~~~
回覆刪除比邊個大啲？哈哈
回覆刪除小白真係好驚喎, 仲驚過毛毛添; 好彩葉生無一腳踏落去小白到 !!
回覆刪除行雷我唔怕... 不過我怕陌生人同陌生狗地
回覆刪除小白真係好可愛呀
回覆刪除