唔好誤會! 壯男並唔係指葉生! 而係講緊威少同小白兩個!
佢兩個身體固之然強壯, 但係佢地嘅男性雄風先令到我頭都痕!
先講威少, 佢成日都有 d 分泌物由 "何 B 仔" 度滴出黎! 獸醫解釋係因為威少 d 男性荷爾蒙太勁! 所以先會有咁嘅情況! 之前都有朋友提議同威少 de-sex, 但係我又唔忍心要威少捱一刀..............
而威少 d 分泌物滴係地磚上面, 乾左之後好難清理, 每次都要用濕布起勢咁捽先甩, 真係少 d 手力都唔掂!
小白仲犀利! 唔好睇少佢狗仔細細呀! 佢好 "勁抽" 架! 如果唔係點叫做 jedi luk 呀!
***jedi luk (音: 啫大碌)
呢排唔知係咪天口慶, 攪到小白春情撥動! 一日到黑就攬住威少隻脾係度 "卜"!
肉酸唔在講啦! 呢兩日仲 "卜" 到連啫啫都紅腫左! 我都唔知點樣同佢消腫好! 用冰 "夫" 又驚會凍親佢, 又冇野可以俾佢搽, 最後都係用凍水整濕塊布同佢印下, 希望可以幫佢降到溫, 同埋牛咁眼把實小白, 唔俾佢再同威少玩埋一堆!
到今日小白條啫啫都冇咁腫喇! 如果唔係我真係又帶佢睇醫生喇!
你不如買隻玩具狗仔俾佢兩位, 解決佢地需要啦!
回覆刪除我朋友隻狗都有一隻玩具狗, 真係有用架!
[版主回覆05/18/2008 00:34:00]我都買隻俾小白先.....
你兩條仔都~~~~好勁下喎.
回覆刪除同佢地跑多d, 消耗下d精力, 有無用呢?
[版主回覆05/18/2008 00:39:00]呀~ 你 max 同 bruce 有冇呢 d 問題呀?
毛毛絕左育都會 "卜" 啡啡, 可能啡啡未絕育啦; 不過毛毛都有隻特定既公仔比佢 " 卜", 同埋同佢地跑多d, 真係會消耗佢地d精力架, 等佢地累d, 就唔會成日發生呢d 事 !!
回覆刪除[版主回覆05/18/2008 00:42:00]我想問下你呢, 初初俾隻公仔毛毛果陣, 佢就自己識得攪喇? 駛唔駛點樣教佢架? 我驚我俾隻公仔小白, 佢以為係玩具咋~ 同埋駛唔駛買隻同小白差不多 size 架?
我比隻細過毛毛既size 公仔(腸 = 即是一條攬x) , 毛毛初初都當玩具, 後來就自己識得咬住佢黎卜啦!! 我諗唔使教小白既, 可能你買條細過小白, 但係小白又可以咬到既黎比佢試下啦 !!
回覆刪除[版主回覆05/18/2008 15:40:00]thank you~ 我會買個公仔俾佢試下架!
嘩！好勁呀！
回覆刪除不過咁, desex其實也可預防其他cancer，不是只為解決呢個問題既..........
[版主回覆05/18/2008 21:23:00]我知道.........但係自從小白細個做過手術之後, 見到佢又痛苦, 我又心痛, 我真係唔想佢兩兄弟無啦啦又要捱一刀 lor!
係咪即係好似d 粥咁.. 滴jo 落地ar?? 真係要用手指公先至摔得甩wor~ 小白都一樣冇desex ar?
回覆刪除[版主回覆05/18/2008 21:25:00]係呀! 小白同威少都冇 desex 架! coffee 同細 b 都係因為之前霸地盤, 賴尿整到電視機都幾乎爆炸! 所以先去 desex 咋!
回覆刪除Hello 威少 family ,
誠意 邀請 的的 family 參加 5 月 25 號 ( 本星期日 ) 之狗狗送暖到四川慈善聚會
詳情請 查閱
http://hk.myblog.yahoo.com/dogcharity/article?mid=55
希望到時能見到大家
嘩！乜咁勁呀... 腫埋？！
回覆刪除其實個手術唔係好大的，一陣就冇事，billy一做完仲識跳上車同埋woo威威(唐狗)
回覆刪除咁勁 ~ 我諗要同佢過個冷河先得啦
回覆刪除max同bruce無咁樣ga, 係max就周不時要攬人腳, 不過又無野滴出黎
回覆刪除