我的黑白雙煞!

都話威少 "萬千寵愛在一身", 個個都錫佢, 亦因為佢係最遲入門嘅狗狗, 有左之前經驗, 威少所得嘅照顧係所有狗狗入面最好嘅!

唔止我地錫威少, 就連小白都好錫佢架!

好似我地每日放工返到屋企, 小白都會即刻撲去玻璃門度, 又叫又跳好似痴左線咁! 目的就係要我地快 d 放威少入黎! 威少一入到黎啫, 兩隻野好似冇見好耐咁, 係咁你咬下我, 我又撲下你咁, 你追我逐!

就以前威少細個果陣, 小白成日都幫佢 lam 牙肉架! 好似知道威少出牙仔好辛苦咁, 最抵死係威少又會好合作咁擘大個口俾小白 lam, 呢個情況而家耐唔時都有出現!

早幾個月威少自己整損左隻耳仔, 小白又成日幫佢 lam, 威少又會側起個頭就番小白高度, 前日威少又整親隻腳, 小白又一日到黑追住威少幫佢 lam, 反而威少自己唔會 lam 架!

人地 d 狗狗有損傷就要戴衛星罩唔俾佢自己 lam 到, 我威少就唔同喇! 可能我應該係威少有損傷嘅時候, 考慮下幫小白戴衛星罩, 唔俾佢幫威少 lam 先得! 

 小白: 係呀~ 我好錫我細佬架!!!!!

 威少: 咩啫~ 唔關我事架! 係小白自己要幫我 lam 之麻!

呢對 "黑白雙煞" 真係一對 "姣鬆 d" 呀!!!!!