今年公司年度旅行去 Ocean Park, 真係越黎越縮皮, 橫掂都係放假冇野攪, 當然去啦! 而且今年係翠宜最後一年唔駛錢, 下年夠 3 歲就要俾半費喇!
我地約埋劍仔一齊揸車去, 就係費事咁早入去, 所以都食埋晏又俾兩個小朋友瞓左陣成 3 點先去到, 估唔到又俾我想像中少人 wor! 不過我真係太耐冇去, 入到去先發現真係完全唔同哂!
睇下佢兩個成 pair 小情侶咁款, 真係好好笑, 我個女就係咁成日追住劍仔黎拖, 成日都冇拖過我呀!!
當日成個行程都係為兩個豆靚而設, 首先去左熊貓館 (因為冇咩人!!), 之後去左兒童王國玩左一大輪就去左食飯喇!!
兩條友仔玩得幾 happy~
兩母女摩天輪留影!!
