聽日鴨肶就 11 個月大喇! 真係光陰似箭呀!!
之前團購左 playgroup 係 4 月開始上, 可能係早左少少, 不過 $50 一堂咁平,
就當俾佢接觸下其他小朋友 lor!
不過佢都係 "霸王雞乸" 果隻!! 老師攞住小結他大圍唱歌仔, 佢就死要去搶老師個結他!
人地打完鼓要收番埋, 佢又死攬住唔俾人地收,
個個小朋友坐係媽媽度一齊唱歌仔, 佢又要周圍爬,
同佢上完一堂我成身散哂呀!
之後仲有 6 堂要上, 我其實唔係想佢要學到呢咩, 只係想佢同 d 同齡小朋友接觸多 d 啫!
我見佢都幾開心呀!
鴨肶而家有 6 隻牙仔, 上面門牙旁邊兩隻都出左喇!
試食左好多野, 腸粉, 蒸包包, 河粉, 麵包, 三文魚, blueberry, stawberry, 白菜, 冬瓜, 節瓜....
每日三餐奶 (around 7-8 oz), 兩餐各一碗粥仔
高左好多, 好似瘦左, 要到 5 月中去健康院先有準確數字..
企得好穩陣喇! 仲大膽到有時會自己行幾步 tim!
會叫媽媽, 爸爸, paul (婆婆), bu (舅父)
下個月就一歲喇! 婆婆已經 book 左地方同佢攪個小型一歲生日會!
我只係希望佢永遠都健康快樂, 就已經足夠喇!!
