眨下眼葉小 B 而家有 29 週, 仲有唔夠 100 日佢就會出世, 心情真係複雜到難以形容.....
首先三月十二號由大小姐變做大少奶, 都有少少興奮架! 以後我就係葉太, 唔再係小姐喇! 而家最頭痛係仲未搵到果日著咩衫......
我又會擔心葉小 B 會搶閘出世, 可能身邊太多媽媽早產, 令到我都有 D 神經弱, 自己又好似咩都未買, 又未做好準備咁!
因為 BABY 出世後我會返娘家坐月, 西貢就由葉生留守, 我又怕個衰佬唔識照顧我果四小福, 最肉尺就當然係我隻威少啦! 果衰仔呢排痴身到不得了, 我一想到我唔係佢地身邊成個月, 威少一定好唔開心喇!
