已經 7 個半月喇~

黎到 2011 年最後兩日, 我都未曾寫到 Abbie 7 個月成長報告, 我個 honey 已經 7 個半月啦!
真係日日新招! 但又成日 lum 到你暈!

下面兩隻牙仔已經出左, 個衰妹仲成日特登 show 兩隻牙俾人睇!
上面門牙都吽緊, 已經摸到, 係差在幾時爆出黎,
飲奶奶時間冇變, 但係就比上個月更差, 好多時只飲 2-3 安, 要佢係半睡狀態先會 ko 全樽奶奶!

勁 like 食糊仔, 特別係蘋果蓉同蘋果加 oatmeal, 可以一次食哂一樽!
但係對粥仔就好似冇咩興趣,
自從轉左 2 號奶粉之後, 每隔一日先去一次 poo poo, 每次都大大單,
好在用鴨鴨 "辣" poo poo 成功率都有 80%,
唔知係咪因為食左 babyfood 關係,
poo poo 同屁屁都臭到嘔!!

條友仔超級為食! 見到大人食咩都想試,
我地試過俾 banana 同橙橙佢試過,
之後佢每次見親 banana 就會對住你奸笑,
又會拍你要你俾佢食!
新買左 combi step 2 學習杯俾佢, so far 都 ok 肯用,
係懶精唔係好肯自己揸!

好鍾意食煙仔餅, 見到個袋就已經笑瞇瞇!
仲成日要人地揸住俾佢食,
食住會自動波拉你隻手將條餅餅送入佢個口!

成日要企, 明明抱住都要企!
企到我地 d 大脾鬼咁痛!

好懷念佢三四個月果陣嘅飯團樣呀............

Abbie 第一個聖誕節@ 2011

今年係我 Abbie 第一個聖誕節, 其實我地兩個都冇咩慶唔慶祝, 不過因為有 Abbie, 都特登走去 mega box 度同佢影下相, 叫做有個紀念咁啦~

我曾經都有幻想過帶 Abbie 去海運影下反斗奇兵, 又想去朗豪影 hello mimi, 但係自從上星期帶住 Abbie 去過銅鑼灣一轉之後, 我就打消哂呢 d 念頭.......
果條街多人到呢..........
推住架 bb 車根本冇辦法行得到! 只可以不斷咁撞前面 d 人對腳, 唔好話個女會忟, 我個人都就黎癲!
所以最後我地帶左佢去 mega box, 派佢冇咩人行, 又多 baby 鋪頭, 又有 free parking, 抵哂!!!!!
臨走仲可以去 jusco 買埋聽日餸!
返屋企又快!
真係冇得頂呀!!!!

我地傻人用傻瓜機, 相片質素當然唔可以同人地大機比啦! 不過同 baby 影相真係好考 EQ, 好似個傻婆咁大庭廣眾 bujibu 呀! honey 呀! bu ja 呀! 真係咩形象都冇哂! 就只為博紅顏一笑........
仲要 "咩" 到成身都係野, 又手袋又奶粉袋, 又 bb 車, 又玩具外套, 仲要同其他人等位影相, 又驚大小姐唔耐煩 sleepy, 又怕老爺因為行得耐發爛渣, 真係成身散哂.......

Abbie 六個月成長報告

Abbie 剛剛上星期滿左六個月, 我地成家人仲去左布袋澳食海鮮慶祝.
佢而家叻左好多, 轉身冇難度, 自己坐都 ok! 出左兩隻門牙仔, 可以 "妹" 手指餅,
我地又開始用瘦肉煲粥仔俾佢食, 不過佢好似唔係好鍾意, 食得唔多,
之前買左 pack 六枝裝 heinz apple juice 俾佢飲, 但佢完全唔肯飲,
唯有我自己飲哂佢, 但係蘋果 + 啤梨果蓉又肯食,
摸到佢仲有其他牙仔 "標" 緊, 可能因為咁, 食奶差左, 好多時只肯飲 3 - 4 安,
打左六合一同腦炎針, 盛為千四蚊!
比起四個月大, 只係重左一磅, 有十七磅,
不過醫生話係正常.
而家著中碼片片, 一日換 5 - 6 條左右, 每日一次屎屎.
條友仔唔知係咪似佢老豆, 日頭訓得唔多,
不過好彩夜晚 12:00 飲完最後一餐奶之後, 通常都一覺訓天光到 8:00 飲第一餐奶,
飲奶時間 8:00, 12:00, 16:00, 20:00, 24:00.
通常 20:00 餐奶會俾粥仔佢食, 因為佢唔係食好多粥仔, 只係 2 - 3 安到, 所以都會補奶
已經轉左飲 friso 2 號奶粉,
有時 12:00 都會俾 d 米糊佢食下
每次食野都要不斷讚佢, 會食得多 d

暫時最滿意全家福~



我地最鍾意經過人地鋪頭度試人地 d 帽黎影相, 最常去係 h & m 同 zara (根本冇人會理你)

西貢碼頭

my lovely daughter~

仲有一個星期左右, Abbie 就夠 6 個月大喇!
見到佢每日不斷進步, 樣貌都差不多每日都唔同, 就更加發覺時間實在過得太快喇!
好唔捨得佢仲係 newborn 果陣時, 好似成舊粉團咁嘅樣......
而家再唔會好似以前咁任人舞,
仲開始會發脾氣, 又識得認人,
叻到不得了....

俾舅父話係 "整蠱專家" 入面古晶個做型....



帶番個髮夾幾 lady~

豬咀

已經可以坐到一陣喇~

肥美的側面...

最鍾意咩都塞入口

人見人愛肥豬腳

Abbie 五個月喇!!!!

Abbie 仲有兩日就滿五個月大喇!

剛剛開始俾米糊 sample 佢試食下, 食得都 ok 呀! 仲嫌我地兩老手腳慢, 食得不知幾緊張!

而家又開始識得認人, 雖然平時我 weekend 都會帶佢返西貢, 但我每個星期二都會去啊媽度住一晚, 當俾啊媽抖一晚, 我又可以陪下 Abbie 咁, 但係葉生就要到 weekend 先見到個女, 所以每次 Abbie 返西貢, 初初都唔係太跟個老豆 (悲哀 ing), 到星期六日 warm up 左, 星期日晚又要送番佢返啊媽度, 真係登佢兩父女辛苦....

隻肥豬早兩日去食鱗狀病毒第 2 劑, 已經有 16 lbs, 成身實的的! 特別係兩條肥脾仔, 每次見到都有衝動想咬啖佢!

佢開始有留意到屋企有四隻野喇! 好多時望到小白同威少都會定哂神! 仲試過伸手想摸威少 tim!  有時 Abbie 係度玩緊 jumperoo 果陣, 威少都會係旁邊睇住架!

有時候想, 見到佢大得咁快, 覺得自己都未曾好好記住佢 baby 時嘅事, 佢就已經澎澎聲咁長大喇! 我好怕自己未有參與到佢長大過程, 所以即使成日要兩邊走, 又或者嚴重睡眠不足, 都想俾多 d 時間陪伴佢, 抱下佢, 希望可以好好咁見証自己個女長大嘅每一個歷程.

 

Abbie @ 4 months old

眨下眼 Abbie 已經足四個月大, 而家每餐開 5 安半奶 (但係成日飲剩!), 每日 5 餐  (因為冇夜奶!), 有 15.33 lbs, 係平均生長線嘅 90!!!!
而家識得用雙手去攞野, 再放入口咬!
又對 colourful 野特別留意!
好鍾意聽音樂, 所以婆婆係玩具反斗城買左 3 個 vtech 出嘅發聲玩具俾佢 ($200 有 3 個十分抵!!)

而且比起 newborn 已經好玩左好多, 又多野講, 成日自己係度 "呀呀" 咁講野! 係呢樣野似足個老豆!
我地買左個吹氣泳池俾佢游水, 要帶個水泡係條頸度, 等佢自己係度 "young" 水,
Abbie 好鍾意游水架! 每次游完又會訓好耐, 大家都 happy!!!

我同婆婆加埋兩個舅父再加舅父女友一行五人帶 Abbie 去行荷花, 試勻人地所有玩具咁滯 (完全冇人會理你!)

試玩蝴蝶瑤瑤椅好 happy!

個個都話個女好似我個迷你版......

變身

眨下眼葉小 B 而家有 29 週, 仲有唔夠 100 日佢就會出世, 心情真係複雜到難以形容.....

首先三月十二號由大小姐變做大少奶, 都有少少興奮架! 以後我就係葉太, 唔再係小姐喇! 而家最頭痛係仲未搵到果日著咩衫......

我又會擔心葉小 B 會搶閘出世, 可能身邊太多媽媽早產, 令到我都有 D 神經弱, 自己又好似咩都未買, 又未做好準備咁!

因為 BABY 出世後我會返娘家坐月, 西貢就由葉生留守, 我又怕個衰佬唔識照顧我果四小福, 最肉尺就當然係我隻威少啦! 果衰仔呢排痴身到不得了, 我一想到我唔係佢地身邊成個月, 威少一定好唔開心喇!