從小到大都係遇強越強 (意指肥膏), 眼見欣宜都可以減到瘦左貢多!!!??? 真係要高呼一句 "it is possible!!!!"
我都有諗過要開始少食 "立什" 野, 但係對於一個從小就以食薯片同雪糕就可以維生嘅人黎講, 真係好比登天咁難!!
以往係公司, 12:00 食午飯前要食零食, 三點三同放工前都要食番轉, 返到屋企睇睇下電視又要食雪糕, 對比而家真係食少左好多啦! 但係唔知點解我呢個人就係與肥膏結下不解緣! 肥膏就好像永遠與我同在咁!
(小喇叭!! 又唔見同六合彩結下不解緣!!)
仲諗住年尾同葉生影 pre-wedding, 但睇見自己毫無進展, 真係一片灰呀!
經過我反覆思量, 我決定先谷肥葉生! 我同葉生講, "肥左 d 皺紋冇咁覺呀! 肥左又後生 d 呢!!" 如果葉生肥 d, 咪可以顯得我冇咁肥 lor!
(之但係葉生好似係油浸都唔肥果種 wor!!!)
