my wedding bouquet

明年 3 月結婚, 除左已確定於年底影婚紗相之外, 暫時就只係 confirmed 左花球 (我自己都覺得好似幾無謂咁.....)

其實自己成日都有 keep 住上網睇下 d 花球, 但係就一直都睇唔啱, 直到無意中係 yahoo 見到 shan 個拍賣, 簡直驚為天人呀~

佢有我想要嘅桃紅, 粉紅同紫色嘅 combination 呀! 

呢個係葉生嘅

主婚襟花 (呢個好 sharp 呀~)

最最最難得, 係 shan 好有心機, 佢真係不厭其煩幫我逐樣改, 雖然當中有 d 花材冇貨, 但係最終都可以做到靚靚花球同襟花, 仲要係 <至抵價> tim 呀!!!!!!!

花球 + 新郎襟花 + 3 個主婚人襟花都係二百幾蚊, 真係超值啦!  

http://hk.myblog.yahoo.com/fawongshan/article?mid=424

至於其他結婚要用物品, 我暫時睇中一對介指有得將指模刻係介指入面, 好似好特別咁, 要再睇睇先!!!!

為未來做足準備!

其實 PLAN 結婚, 最主要都係因為想要小朋友, 廿零歲果陣冇諗過自己會想生 BB, 但近兩年見到其他同輩都有自己小朋友, 而且葉生又貴為葉家長房長子, 我地唔可以要葉家去到佢呢一代就絕後架! 況且葉生又咁鍾意小朋友, 我地兩個年紀都唔細, 過多幾年想生都冇得生啦!

其實我都驚自己唔容易有 BB, 自己食左 N 咁多年避孕藥 (耐到我自己都唔記得有幾耐!!) 而且 period 又唔準 (冇錯, 係食左藥都唔準!!) 真係驚會令大家失望架!!

回想番廿零歲果陣就想盡辦法 "避孕", 到而家三十歲就驚自己無辦法 "成孕", 你話幾好笑呢....

最理想呢, 我就想生個小白兔 BABY (即係下年呀!!), 所以我已經停左藥, 仲聽其他媽媽介紹, 係兩星期前開始食 CENTRUM MATERNA, 入面有多種維他命, 葉酸同鈣, 希望可以為 BABY 預備充足養份, 適合預備懷孕婦女

 

http://www.materna.ca/Default.asp

我真係咁大個女, 都係頭一次食咁鬼大粒藥丸, 一粒有成 2cm 長!! 飲小 d 水都驚吞唔落呀!

小白兔 BABY, 希望媽媽可以為你準備好一個健康嘅身體, 迎接你嘅來臨啦!!! 

劏雞還神!!!

威少, 又名黑鬼, 三歲半, 天生洛威樣 (但冇洛威格!!), 終於都唔再係屋入面尿尿喇! 我呢個做啊媽嘅! 真係........真係感動到唔知講咩好.........

呢個衰仔, 以前我地兩老係屋企佢就梗係唔會亂黎啦! 不過每次當我地兩個出左去, 由得佢係屋入面果陣, 佢就會係屋入面周圍尿尿, 每次我返去都要抹到隻蟹咁! 呢隻死黑鬼仲鑊鑊痾落去佢老豆個寶貝喇叭度! 攪到我地長期用膠布包住個喇叭! 又要用櫈圍住個影音櫃唔俾佢埋去, 真係諗起都煩.....

終於, 係 3 年半後嘅今日, 呢個衰仔終於長大喇! 我終於可以唔駛日日放工返去就屎屎尿尿喇! 我終於甩難喇!

希望威少可以以後都咁乖就真係感謝神恩喇!

輕量版 blueberry cake

之前係 T & P 師傅度, 見到佢整左呢個 blueberry cake, 果時已經相當有興趣, 終於上星期係街市買左盒新鮮藍莓就開工!

呢個 blueberry cake 真係唔係講笑, 又易整又好食! 簡直係 "猛料推介" 呀!!!

整呢個蛋糕, 連打蛋器都唔駛用, 就咁將 d 材料攪勻就得喇! 我呢 d 大懶虫, 就連蛋糕模都費事洗! 就咁用左個圓形 9 寸錫紙兜黎焗, 出黎效果一樣得!!!

屋企果件百彈齋主都話好食呀!!

師傅真係好勁呀!!!

參考食譜: T & P http://hk.myblog.yahoo.com/tnp-AUS/article?mid=52193