之前相當負面之感受, 不提也罷!
就係 3 月頭左右, 小桃又入院做手術, 啊呆又病到五顏六色, 我地都擔心到不得了, 於是周不時都打電話俾葉生個妹, 諗住問下兩個外甥嘅情況啦! 點知每次都俾佢個妹噴到一面屁! 好似我地唔知有咩企圖咁! 仲要俾佢 "得" 我地, 話 "仔女係我嘅, 我自己有分數啦! 你唔好理我喇! 一係你自己生番個啦!"
聽到佢咁講, 直頭俾佢吹到啤啤聲, 我就話係閑人啫! 葉生做舅父關心外甥好出奇咩? 佢仲要話 "唔係麻, 又唔係成日見, 有冇咁緊張呀!?", 真係 P 你個 K 呀! 你估個個好似你咁冷血咩! 為人父母, 知道有人關心自己 d 仔女, 唔係應該覺得開心咩? 佢竟然係懷疑個啊哥唔知有咩企圖 wor!
枉葉生一聽到小桃有病, 仲擔心到喊左出黎 tim 呀! 真架! 佢真係喊左出黎呀! 仲周圍問人有咩食療 fit 小桃, 我同葉生講呀! 就算你問到, 買埋俾小桃食都冇用, 你個妹根本就唔會俾佢食, 棧 side 心機捱眼訓咋!
果菜, 不出我所料, 佢個妹係完全將葉生嘅心意拒之門外.....
葉生嬲嬲地之下, 同我講 "真係谷鬼氣! 俾個真心佢當狗肺! #$(#$(*&(&#(*$*&(#"
"我地自己生番個, 唔駛再問佢地呀!"
我又唔知點解好冷靜咁答佢 "如果生仔要結婚先 wor!"
"咁就結啦! 你想結婚就結婚啦! 我都唔想第時我死左, 得番你一個人, 你咁硬頸, 你都唔會返去你屋企啦! 生個仔起碼將來有人陪下你先啦!"
我話 "咁出年年頭結婚, 年尾生仔啦!"
"你鍾意啦!" 葉生答....
就係咁, 本來一直都話唔結婚唔生仔嘅葉生, 就俾我 tum 左上賊船喇! 我仲即刻講俾我老母聽, 等葉生冇得反悔 tim!
諗諗下, 真係要多謝佢個妹 tim 呀! 如果唔係佢, 葉生又點會受咁大刺激, 勁到要結婚生仔丫!
跟手係四月頭返葉生鄉下果陣, 葉生仲大大聲向佢 d 親戚宣佈要結婚! 個個都開心到不得了!
呢個 2010 年頭, 真係太多意外喇!!!
