我又費事帶埋威少同小白上去 wor! 始終唔知人地屋企方唔方便麻! 我咪同佢地係跑馬地度四圍行下, 等佢地可以放低幾兩 lor!
點知葉生仲約埋一個 "影友"! 呢個朋友由威少細個開始都好錫佢! 早排聽見佢買左部大機, 已經話要同威少影沙龍! 咁啱我地過開海咪搵下呢個朋友, 睇下佢有冇時間同威少佢地影下相 lor! (我地假期好日都唔過一次海架! 仲要帶埋對黑白雙煞! 真係搬左入西貢都未試過!)
我地一行四人兩狗去左鯉景灣, 大家都知啦! 我威少天生模特兒本色, 一去到就會坐定擺 "鋪屎" 啦!
大機真係唔同, 連 d 色都特別靚~
仲有 "景深" 添!!
威少都開心到 "咪" 哂眼呀!
呢個鬼馬 "鋪屎" 幾過癮!
睇睇下我覺得只係影花圃好似齋左 d, 難得我地過海, 梗係要影下 d "到此一遊嘅相啦!
仲有黑白雙煞難得合照!
我地去到果陣大概係下午三點零鐘! 都幾多人係度散步架! 有 d 人見到我地同威少影相, 佢又走埋黎影埋一份! 我都知道我威少嘅魅力係難招架 d 嘅!
hahahahahahahahaha~
當日我地只係影左十零廿分鐘! 葉生個朋友已經影左成 352 張相! 上面果 d 只係冰山一角咋! 最衰我地果日係玩 "突擊" 啦! 如果唔係我帶埋威少 d 影相道具呀! 黑超呀! 帽呀! 圍巾呀咁! 我諗可能影到收唔到手添呀!
真係唔該哂呢個朋友仔呀! 我好鍾意 d 相呀! 好靚呀!
