小彬彬~

葉生個外甥 (即係小桃) 眨下眼就一歲有多喇! 早幾日仲聽見佢啊媽又有左 3 個月! 真係估佢唔到呀!

我覺得其實小桃都幾慘, 佢老豆老母返工由朝返到晚, 小桃日日係屋企就係對住個工人, 只係星期六日佢地兩公婆放假先有時間陪小桃, 又冇老人家可以幫下佢地睇下個工人, 只係靠個 web cam 去把住個工人, 好似坐監咁!

而家仲整多件! 一個工人又點湊兩個 babies 呢! 仲要咁細個!? 真係諗起都一額汗呀!

睇下我早排過年買俾小桃件唐裝幾潮!

其實呢個時間嘅小朋友, 如果可以花多 d 時間教佢, 佢可以識多好多野! 小桃佢好叻架! 我地教佢玩遊戲, 教一兩次佢就識架! 佢仲完全唔怕小白同威威, 係咁攞佢兩隻野塊面黎扯! 威少同小白仲怕左佢添!

我地仲發現其實小桃個樣有 d 似小彬彬架! 特別係個咀同塊面豬登呀!

好一個女版小彬彬呀~

磨 del 威

我磨 del 威形象幾咁多元化就幾乎全西貢都知喇! 知道 Yahoo! Blog X 第四屆香港寵物節舉辦一個 <寵物之星大募集 2009>, 我磨 del 威當然唔執輸要參加埋一份啦! 希望各位見到我咁多個做型會支持我啦!

1) rock & roll

2) 安全威

3) rock & roll star!

4) 聖誕威

5) 浪漫的 bowtie

6) 學生哥

7) 拉姑

8) 拉姑去宿營 look!

9) 標準傻仔 look!

10) 明星 look!

11) 水著 look!

12) 我願似花嬌美~

13) 70 年代

衰開有條路.....

俾狗咬到嘅地方都散哂瘀咁滯喇! 而另一邊腳 d 蚊爛亦都好番好多, 原本諗住惡夢就此完結啦! 點知人衰行路打倒 don! 而家我就連個身同對手都有 d 粒粒, 又係痕到我要死! 醫生話我呢 d 係因為敏感而起嘅濕疹, 開左 d 藥同埋類固醇藥膏俾我, 係就係好左 d, 不過濕疹呢單野就真係手尾長喇!

我地呢 d 在職家庭主婦, 放工返屋企就做賓妹啦! 果對手一日到黑都洗洗抹抹, 而家又要帶手套做野, 洗完手又要搽 cream, 煩到不得了!

威少因為換季又開始甩毛, 我果 d 一日拖三四次地嘅生涯又再次延續!

帶手套, 洗野, 洗手, 搽 cream, 一日重覆十幾廿次! 真係頭都大埋!

而家西醫止左痕, 我又要再睇中醫攪攪佢, 每日係屋企飲果碗中藥真係苦不堪言, 最難頂就係飲完苦茶之後, 飽飽地而回吐果啖氣呀! 真係年夜飯都嘔出黎呀!

幾廿歲人先開始有濕疹..........

唔通連個天都唔鍾意我??  

小手作

好耐之前見到其他 blog 友都有自己整 choker 俾狗狗, 當時都心郁郁想整番條, 點知拖下拖下咁! 終於係上個禮拜完成左我第一條作品喇!

而呢一件作品嘅得獎者就係小白仔喇!

(冇理由威少要戴呢 d 野架!!!!)

為左配合我小白仔白雪雪嘅毛髪, 我用左紅色同白色做主色, 襯埋一齊真係一絕呀!!!!

有機械人同星星~

再加埋鎖頭, 紅蘋果同綠葉!

我知大家梗係好想睇下由小白親自示範佢戴左呢條 choker 嘅英姿喇!

但係好抱歉, 因為小白未剪毛, 所以係暫時未有得睇 <真狗版> 住嘅!!!!!

呵呵呵呵呵.................

犯太歲?

呢個幾禮拜真係黑過墨斗! 又被狗咬! 又成腳蚊爛! 總之而家對腳直頭可以用 "無忽好肉" 黎形容!

我諗我對腳真係犯太歲! 可唔可以幫對腳攝太歲呢吓??

被狗咬嘅地方已經冇咁瘀! 亦都冇咩痛喇!

至於 d 蚊爛.............我真係未試過可以 5 日內用完一支全新 <無比敵> lor! 搽完無錯係止到痕, 不過唔耐呢! 我晚晚都痕醒要葉生再幫我搽架!

(呢一幅係自拍, 所以 d 角度怪怪地!!!)

唉.................總之我對腳就真係多災多難啦!!!!!!

我一陣放工又要去買過支 <無比敵> 喇!