小白送暖到四川!

之前收到 corn 媽通知, 佢地一班熱心人士會係 25/may 係西貢攪一個狗狗活動, 目的為四川地震災民籌款, 初時我報左名同威少參加, 但因為葉生唔得閑, 得我一個人去, 諗諗下都係改帶小白去穩陣 d..........

原本地點係獅子會, 但後來因為人數太多, 改左係金喜花園!

真係遍地 poodle 呀~

差不多個個都問我點解唔帶威少去, 我先知原來威少都有不少 fans 呀~

不過..........我覺得帶小白去呢個決定真係英明! 尋日咁嘅環境, 俾威少見到咁多小狗, 一定發哂癲咁追住黎玩都似! 到時得我一個好似傻婆咁 "呀 bun 叫狗" 咪好肉酸!

講出黎真係失禮慚愧! 我都係第一次參與呢 d 咁大型 blog 友聚會! 所以唔係認識太多人, 來來去去都係果幾個! 我當然唔會放過機會! 大肆咸濕一番啦!

頭號對象 -----> 肥寶!

肥寶佢真係堅大隻呀! 我以為小白 16 磅已經係 jumbo 版啦! 見到肥寶之後, 真係甘拜下風呀!

仲俾個鬼竄眼我 tim!

肥寶當正係細妹嘅紅棗妹妹~

因為紅棗妹妹太靚喇! 有其他狗狗想 "琴" 佢呀! 原本肥寶攤係地下, 一見到妹妹俾狗攪, 即刻彈起身吠佢呀! 肥寶~ 你真係乖仔喇! 我真係愛屎你喇!

popcorn~

popcorn 好靚仔架! 著衫又有 taste! (佢原本著住 t-shirt 牛仔褲!!) 我等到差不多散 band 先敢問佢媽媽同 popcorn 影相咋~ 下次再有機會, 我一定要同 popcorn 混熟 d, 再影多 d 親密照先得!

sugar (豬架)~

我原本想抱佢影相.......不過見主人啊四好似唔係好認得我 (我諗如果我帶住威少佢就認得嘅.........) 所以唔敢開口呀!

特別鳴謝主人啊四係片場幫我趕 d 野狗!!!

ice-cream~

可能因為天氣太焗, ice-cream 毛毛又長左 d, 所以成日攤係草地!

當然唔少得我小白啦!

講起小白就真係失禮街坊! 佢真係接觸得其他狗狗太少喇! 佢一見到其他狗狗行埋 d 啫! 就驚到九秒九彈開! 正一鄉下仔黎架!!!!!

雖然尋日唔係好曬, 但係天氣又焗又熱! 都咪話唔辛苦! 我仲見到有 poodle 好似中暑, 希望佢吉狗天相啦! 我地大家咁有心做善事, 狗狗一定都健健康康嘅!

最後仲聽到原來籌到成兩萬幾蚊善款呀! 雖然唔係好多錢, 都希望可以幫到 d 有需要嘅人啦!

睇下見唔見到我個名?

**此相片來自 bagel & sophie blog!!!!!

525 狗狗送暖到四川

525 狗狗送暖到四川

我們是幸運的一群，居住在香港這片福地，閒時與我們的寶貝狗兒四出遊玩，生活安穩寫意。眼見近日四川發生了大地震這慘劇，目睹電視傳來的新聞片段，真教人傷痛不已。相比起災民們流離失所，痛失家園，我們以及我們的狗狗真是太幸福了。

國難當前，所有香港市民都熱心捐助，相信大家都一定捐助了不少，有感於狗狗們的幸福，我們希望以狗狗的名義出發為災民做點事，藉以彰顯狗狗與人類之間的深厚感情。

 5月25日(星期日)，一個平凡不過的星期日，或許各位已安排了跟狗狗一起外出玩樂，有沒有想過，帶狗狗外出玩樂也可以做善事呢？"狗狗送暖到四川"就是我們這次的目標，我們想相約各位blog友於這天一同出來玩樂，每位到來的blog友均要捐款"$99"，希望盡一己的綿力，讓狗狗的愛心傳到四川幫助到更加多的人，希望大家踴躍參加！

所有善款將會全數存到匯豐銀行的戶口，

戶口名稱：HSBC China Earthquake Relief
戶口號碼：808-459085-001
(戶口所籌得的款項，匯豐將撥出相等數目的善款捐贈紅十字會，以八百萬人民幣為上限。)  *

活動詳情：

日期：2008年5月25日(星期日) 

時間：下午1時至4時 

地點：西貢獅子會自然教育中心(請在涼亭集合) 

活動內容：拍照、交流、集體遊戲

要求：每位出席blog友均要最少捐款$99(多多益善) 

如有興趣參加，請到以下網址報名

http://hk.myblog.yahoo.com/dogcharity

請清楚列明參加人數及狗狗數目，以便安排，多謝合作。 

*註：現場會設有籌款箱，以作收集善款之用，所有款項在投入籌款箱前均會由專人登記，逐一清楚記錄後全部存入銀行，入數紙及捐款記錄均會稍後於網誌內公開，務求令所有blog友都能有效監察善款的運用。

以上活動是以私人性質作出籌款

發起狗&發起人： 

Popcorn (Janice & Patrick), 

Honey, Beans, Kumo (Annie), 

Goofy, 比比, 茶茶 (Chan Ahb) 

Baychu (Melody) 

Sugar (Babara) 

蕃薯 (Fe) 

Bear Bear(菲安) 

肥寶 (Maggie & Tommy)

*****我一收到 corn 媽通知, 又得到主辦單位許可, 好快就報左名諗住帶威少去啦! 我都想威少可以參與下呢 d 咁有意義, 又幫到我地中國同胞嘅活動, 為災民出分力!

雖然我早知葉生有野做唔可以同我地一齊, 我都諗住自己帶威少打的去獅子會, 但係諗諗下, 得我一個人帶住威少, 好似真係有 d 危..............

到時有成百隻狗, 一陣威少開心得滯, 見到狗就埋去引狗地玩, 見到細狗又當狗地係小白咁玩! 咁點算呀?

行兩行個衰仔攰唔行的話, 我一條友點攪呀?

所以我正考慮緊帶小白定威少去好..................

  

眉清目秀

想當年 (即係舊年呀!) 威少同細佬都不知幾似樣, 不論係毛色同紋理都好相似, 唔講仲以為係兩兄弟....

威少~

細佬~

點知冇見一排, 尋日再見番細佬...........

嘩~ 好大隻呀~

而家威少同細佬比, 好似一個中童咁咋!

真係失禮慚愧呀~

不過........佢地 d 眼神同神情都仲有 d 相似...........

威少~

細佬~         (呢張相都影唔到細佬嘅體型有幾震撼!!!)

大家都仲係傻傻地咁~

多謝 ken 讚我威少堂眉夠突出, 葉生話威少正式係眉清目秀 wor!

下次好歡迎你地再入黎探我地呀~

 

扮哂野!

放假係屋企冇野做, 最好就係搵威少同小白黎開心下啦!

威少: 唉........我堂堂男子漢.........攪到我成個啊嬸咁........

肥媽: 唔好咁多野講呀!

威少: 點解我咁命苦............

肥媽: 俾野你食, 俾野你玩果陣唔見你話命苦? 你睇下小白幾乖! 幾 lady!

小白: 我似唔似小紅帽呀??

肥媽: 我俾多次機會你...........扮七十年代女明星啦!

威少: 我睇唔到野呀.............

家有壯男!

唔好誤會! 壯男並唔係指葉生! 而係講緊威少同小白兩個!

佢兩個身體固之然強壯, 但係佢地嘅男性雄風先令到我頭都痕!

先講威少, 佢成日都有 d 分泌物由 "何 B 仔" 度滴出黎! 獸醫解釋係因為威少 d 男性荷爾蒙太勁! 所以先會有咁嘅情況! 之前都有朋友提議同威少 de-sex, 但係我又唔忍心要威少捱一刀..............

而威少 d 分泌物滴係地磚上面, 乾左之後好難清理, 每次都要用濕布起勢咁捽先甩, 真係少 d 手力都唔掂!

小白仲犀利! 唔好睇少佢狗仔細細呀! 佢好 "勁抽" 架! 如果唔係點叫做 jedi luk 呀!

***jedi luk (音: 啫大碌)

呢排唔知係咪天口慶, 攪到小白春情撥動! 一日到黑就攬住威少隻脾係度 "卜"!

肉酸唔在講啦! 呢兩日仲 "卜" 到連啫啫都紅腫左! 我都唔知點樣同佢消腫好! 用冰 "夫" 又驚會凍親佢, 又冇野可以俾佢搽, 最後都係用凍水整濕塊布同佢印下, 希望可以幫佢降到溫, 同埋牛咁眼把實小白, 唔俾佢再同威少玩埋一堆!

到今日小白條啫啫都冇咁腫喇! 如果唔係我真係又帶佢睇醫生喇!

邊個最上鏡?

呢排見人地玩 "單鏡反光機" 咁高興, 等我又趁下熱鬧, 攞自己部傻瓜 DC 黎扮下專家先!!!

睇下細 b 隻腳 d 毛幾咁清晰!!! 仲睇到佢好耐未剪腳板底毛添!!!

呢張簡直係大師級作品啦! 影得我 coffee 幾靚! 嘴角含春咁款! 直頭有沙龍 feel 添呀!!!

轉個頭又變左憂鬱小生喇~

我 "陸 call 飛" 又點會只得兩度板斧呀! 當然唔少得 d 懶可愛嘅 post 啦!

 細 b: 肥媽~ 我都識得擺可愛 post 啦!

coffee: 細路........唔好係度爭飯食 wor!

 細 b: 車! 你唔抵得我後生又靚仔! 驚我搶你鏡之麻!

coffee: 哼! 就憑你呢件 "蛋撻" 可以搶我鏡? 唔知醜!

兩兄弟都靚! 各有各上鏡啦!

我的黑白雙煞!

都話威少 "萬千寵愛在一身", 個個都錫佢, 亦因為佢係最遲入門嘅狗狗, 有左之前經驗, 威少所得嘅照顧係所有狗狗入面最好嘅!

唔止我地錫威少, 就連小白都好錫佢架!

好似我地每日放工返到屋企, 小白都會即刻撲去玻璃門度, 又叫又跳好似痴左線咁! 目的就係要我地快 d 放威少入黎! 威少一入到黎啫, 兩隻野好似冇見好耐咁, 係咁你咬下我, 我又撲下你咁, 你追我逐!

就以前威少細個果陣, 小白成日都幫佢 lam 牙肉架! 好似知道威少出牙仔好辛苦咁, 最抵死係威少又會好合作咁擘大個口俾小白 lam, 呢個情況而家耐唔時都有出現!

早幾個月威少自己整損左隻耳仔, 小白又成日幫佢 lam, 威少又會側起個頭就番小白高度, 前日威少又整親隻腳, 小白又一日到黑追住威少幫佢 lam, 反而威少自己唔會 lam 架!

人地 d 狗狗有損傷就要戴衛星罩唔俾佢自己 lam 到, 我威少就唔同喇! 可能我應該係威少有損傷嘅時候, 考慮下幫小白戴衛星罩, 唔俾佢幫威少 lam 先得! 

 小白: 係呀~ 我好錫我細佬架!!!!!

 威少: 咩啫~ 唔關我事架! 係小白自己要幫我 lam 之麻!

呢對 "黑白雙煞" 真係一對 "姣鬆 d" 呀!!!!!

頭拎拎~

葉生唔知係邊度 download 埋哂 d 貓叫聲做鈴聲, 人地 d 貓叫得好斯文, 但係鈴聲入面 d 貓叫聲

就叫到好惡死又大聲! 早兩日係屋企開黎俾果 4 個傻仔聽.....

威少同小白兩個聽到係咁兩頭拎~

coffee 同細 b 兩個就排排坐, 眼甘甘!

細 b 仲要尾埋眼黎聽真 d ...........

可能 d 叫聲實在太淒厲, 細 b 聽聽下都頂唔順, 仲豎哂毛周圍搵!

最後點?  

細 b 走左去咬葉生個電話 lor!

好彩葉生個電話有個 "套", 所以好 "安全"!!!!!

blueblood coffee~

作為一隻 blueblood 貓, 日常舉止都並非一般野貓 (即係細 b 呀!) 可以學得到嘅!

不論係人地抑或自己養嘅貓貓當中, 我都未見過有一隻可以好似 coffee 咁 elegant 嘅!

-----> 簡單 d 講, 即係 "頓"!

食野又唔夠細 b 黎, 成日食食下都俾細 b 一頭頂開! 自己仲戇居居係旁邊 lum 毛!

捉蚊仔又攪亂檔! 細 b 捉蚊仔嘅成功率好高, 但每次 coffee 加入一齊捉果陣, 佢拍黎拍去都只係拍中隻蚊仔........旁邊, 又唔知自己大件, 仲阻住細 b 捉, 次次都俾 d 蚊仔走甩, 我諗 d 蚊仔應該好 like coffee 嘅!

有時開濕糧放係檯面俾佢地食, 細 b 只要聽到我拉開罐頭 d 聲咋! 就已經好似癲左一樣啦! 呀 blueblood coffee 仲係傻更更咁係度兩頭藤! 仲要我抱佢上檯面先知有得食! 食又食得慢! 都未食到一半啫! 賊仔細 b 已經食完自己果兜, 再一頭撞開 coffee 黎食埋佢果兜, 個懵仔都完全冇反應架!

仲有一單野係 coffee 搬左黎西貢之後先開始嘅, 佢每晚差不多晚飯時間左右, 就會係花園對玻璃門前面不斷咁來回踱步, 對花園門有幾闊啫? 行唔夠幾步就要 u-turn 啦! 但係佢又真係晚晚都係咁行十分八分鐘架! 仲俾姨姨笑佢係度 "老" 屎! 

睇下 blueblood coffee 幾咁自在咁曬太陽~

仲係度玩 "若有所思" 添!

睇下佢呆呆滯滯咁樣!