指威為鹿

今日係平安夜, 我作為一個 "磨 dell", 梗係要代我屋企人做 d 野啦!

我諗住扮下鹿仔呀~

似唔似呀? tum 得大家開唔開心呀??

因為肥媽呢排比較忙, 之前就要準備燒野食, 而家公司又盤點, 攪到就連同我玩都冇時間, 所以咁耐冇幫我寫卜 lor!

肥媽今朝送左聖誕禮物俾我喇! 佢送左條 10 寸長嘅煙肉味骨骨俾我呀!

所以我今個平安夜好忙呀~

肥媽仲教左我一句英文呀~

"咩 V 骨詩密時 N 呀合皮樓耳"

(肥媽註: Merry Christmas & A Happy New Year)

希望大家都有個開心嘅聖誕節啦!!!!!

安全威~

有個鄰居早排考到電單車牌, 收左工泊好車黎左我地屋企坐, 見到佢有個頭盔, 得到鄰居同意, 咪俾威少試下戴 lor!

 

有安全頭盔嘅安全威!! 幾安全!!!

多哂~

肥媽話我知, 好多哥哥姐姐見到我有份嘅月曆之後, 都讚我靚仔, 真係要同大家講聲 "多哂!"

知道大家都咁鍾意我, 攪到我都有 d 唔好意思 tim!

為左不負大家嘅厚愛, 我肥媽話會不斷創新求進, 為我創造更多新形象 wor!

唉............咁即係又搵著我黎攪啫.............

不過如果我扮下野可以令更多人開開心心, 我都好樂意嘅! 但係最好每次造完 model 之後, 可以有多 d 雞肉條俾我定下驚啦!

肥媽你收唔收到呀??

終於出版左喇!

威少有份拍攝果個蘋果 2009 年月曆終於出版左喇! 作為七月之星嘅主人, 竟然要係 OK 便利店換先有得先睹為快!? 真係講你都唔信呀! 明明之前同我講係 11 月中會有, 直到尋日我頂唔順打電話去問, 呀蘋果姐姐先話因為 d 禮品未齊, 所以暫時俾唔到 d 月曆我地 wor! 真係屎都滾呀!

我作為一個星媽, 當然要第一手擁有呢個月曆啦!

所以我今朝返工前就俾左 $29 換左個喇!

睇下報紙上面個廣告~ 零零舍舍得我威少張相咋! (因為我已經係報紙 cut 左個廣告出黎過膠, 所以影出黎怪怪地!)

睇得唔清楚? 再 zoom 近 d 啦!

月曆正面

睇下我威少幾咁有 camera face~

仲有威少提腿張相呢~

如果你都想擁有一個有威少份嘅月曆?

只要剪低蘋果報頭一個加 $29, 去 OK 便利店就有得換喇! 一個報頭換幾個月曆都得架! 當中一半收益仲會撥捐 "DOCTOR PET" 作慈善用途 tim!

多多支持下啦!

攞命行~

上星期六同成班朋友一齊行山, 由土地灣至大浪灣 (龍脊), 以前住大浪灣都冇行過, 反而搬左去西貢就返去行, 真係攞黎攪!

人多聚會最討厭就係有人遲到, 原本約 10 點, 等下呢個等下果個咁, 終於攪到成 10 點半先係筲箕灣上車, 推遲哂成個行程!

起點位置~

條路上上落落, 又多石又斜, 竟然係越野單車徑!

"嫁個有錢人" golf club~

與石澳合照~

傻瓜機影風景照都 ok 呀~

部份行山團友~

其實當初想帶埋威少去行, 但係諗諗帶威少去咪即係搵自己笨! 又要葉生車我地去, 威少咁大舊! 唔通摺埋放入袋搭地鐵咩? 一陣威少行行下頂唔順攤係度唔肯行點算呀? 我點抬佢落山呀? 我諗威少行石屎路就得! 呢 d 咁有挑戰性嘅行山路線, 威少多數都頂唔順架!

一行十幾人行左兩個幾三個鐘, 終於到大浪灣, 仲見到我舊居已經有人住緊.....

我的舊居 (後)

我的舊居 (前)

去到棠記士多, 當然搵下我老友 bobby 仔先啦! 我由細睇住佢大, 不過搬左去西貢之後, 都差不多有兩年冇見過佢喇! 諗住佢都未必記得我啦! 點知 bobby 仔離遠見到我, 已經發傻咁衝埋我度, 我再叫多佢兩聲, 直頭拖到佢主人訓係度咁滯! 一埋到我度就係咁 "填" 身 "填" 勢! 任我摔任我舞~

冇見咁耐, 我覺得 bobby 仔大隻左好多! d 毛又厚左! 佢主人話平時 bobby 唔肯咁順攤同人影相架! 個衰仔係認得我, 見到我好開心先咁配合咋!

睇下佢咪哂眼個樣幾好笑!

仲見到以前咕嚕俾佢嘅 "愛的烙印"

話說以前咕嚕在生果陣, bobby 仔當正咕嚕係大佬咁架! bobby 仔細細個已經好鍾意跟住咕嚕, 成日撩咕嚕同佢玩, 每次 bobby 走狗, 亦都只有咕嚕一個可以搵佢番黎, 而呢個 "愛的烙印" 呢! 就係因為咕嚕食緊佢最愛牛丸果陣, bobby 仔唔知死走埋黎想食埋一份, 咕嚕醒佢嘅!

眨下眼都差不多有 3 年喇! 唔知咕嚕係天堂點呢?

仲有一個?

上星期問朋友借左部 D60 黎同屋企班大帝影相, 唔駛講當然好過我自己部 canon 傻瓜機好多啦!

呢排影得威少太多喇! 所以轉左第二個對象...........

blueblood coffee!!!!

睇下呢張我影得幾咁有 feel! 有 d 似以前 d 老套唱片封套相咁!

真係有冇耳屎都睇得一清二楚呀!

我 coffee 幾合作呀! 直頭好似尊佛咁郁都唔郁任我影架!

拉遠 d 影..........

所以呢~ 我屋企仲有一個 model 架~

呵呵呵呵呵~

rock'n roll!!

早幾日同威少出完街返屋企, 將個水兜洗乾淨諗住放番好之際..........

又俾我地諗到個新形象喇!

rock 友威!!!!!

真係 heavy metal 呀!

整多個 "膠錬" 變奏版!

抵得佢個衰樣幾得戚!

我威少嘅可塑性真係高呀!!!!

好一粒 model 界超新星呀!!!!

肥啡唔再肥.........

呢排發現 blueblood coffee 瘦左好多, 相對佢以前 "墮腩" 身型, 而家嘅佢真係有辱 "肥啡" 呢個朵!

應該係因為我地轉左隻新乾糧 (20lbs) 俾佢同細 b, 而家包糧食左四份三, 差不多食完之際, 就發現 coffee 不但止瘦左, 就連果隻乾糧都唔肯再食, 呢幾日我地都係俾濕糧佢先肯食, 所以聽日都要飛身去買番佢以前食開果隻乾糧俾佢地先得!   

回想我地 03 年係寵物店見到 coffee, 一見到佢, 就已經被佢 "挪威森林貓" 呢個名深深吸引, 當時寵物店話因為佢原先個主人養養下唔鐘意, 所以將 coffee 放返出黎賣, 據佢地所講, 果陣 coffee 已經歲半, 開價仲要 $3500! 我地初時都覺得有冇攪錯, 一隻成左年嘅貓仲賣 $3500? 後來返屋企越諗就越掛住佢, 我地知道如果我地唔買佢, 可能佢就咁就係寵物店過世! 之後同寵物店講價講到 $3000, 我地就帶左 coffee 返屋企喇!

佢初初返黎果陣, 骨瘦如柴, 食親野都好似餓鬼咁架陰公! 係絕左育之後先肥到一發不可收拾之麻!

最慘仲係成身都係結! 仲係完全解唔到果隻! 我地要同佢鏟哂 d 肚仔毛先攪得掂咋!

不驚不覺都養左 coffee 有 5 年, 佢以前好惡架! 唔俾我地抱佢架! 每次想抱佢都見血嘅! 不過近呢一兩年好左好多 loo! 都可以俾我地抱一陣 (不過抱果陣要 keep 住同佢 R 痕先得!) 仲學識左嗲我攞野食! 成日跟出跟入 tim! 見到佢成個瘦哂真係肉都尺埋! coffee 你放心啦! 媽媽一定會令你做番 "肥啡" 嘅! 你跟我姓陸我又點會唔關照你呢?

真係連環快拍??

通常星期日我地都唔會去街, 費事出去多人又多車, 留係屋企攤抖下仲好!

我差不多每個星期日都自己一個帶威少同小白出去行下山, 去下水壩又去下涼亭咁! (其實都係屋企附近) 葉生通常都唔會點 "蘇" 我地, 每次都係屋企睇賽車, 我就梗唔明點解 now 每個星期日都有賽車睇嘅?

卒之上星期日葉生敵不過我 d "音波功", 同埋我地幾仔乸出去行山! 重點係想試下我地部傻瓜 dc 影連環快拍嘅!

當日天朗氣清, 出到去第一件事就梗係搵我 model 威試下先啦!

睇下我威少個側面幾咁迷人!

仲識卷脷 tim!

正面睇咪又係個傻仔............

當然唔少得我小白仔啦!

呢張影得小白幾可愛!

最重要梗係試下個連環快拍啦!

第一拍

第二拍

真係好...........快.............呀!

第一拍同第二拍已經差左幾步喇! 呢 d 係咩 "連環快拍" 呀? 真係笑大人個口呀!