Ocean Park

今年公司年度旅行去 Ocean Park, 真係越黎越縮皮, 橫掂都係放假冇野攪, 當然去啦! 而且今年係翠宜最後一年唔駛錢, 下年夠 3 歲就要俾半費喇! 

我地約埋劍仔一齊揸車去, 就係費事咁早入去, 所以都食埋晏又俾兩個小朋友瞓左陣成 3 點先去到, 估唔到又俾我想像中少人 wor! 不過我真係太耐冇去, 入到去先發現真係完全唔同哂! 

睇下佢兩個成 pair 小情侶咁款, 真係好好笑, 我個女就係咁成日追住劍仔黎拖, 成日都冇拖過我呀!! 

當日成個行程都係為兩個豆靚而設, 首先去左熊貓館 (因為冇咩人!!), 之後去左兒童王國玩左一大輪就去左食飯喇!!

兩條友仔玩得幾 happy~

 

兩母女摩天輪留影!!

奶王..

返左差不多一個月學, 原先兩個星期完全冇喊, 但呢個星期開始, 突然間唔願返學, 由屋企喊到返學校, 但老師又同我講佢上堂又冇野, 仲好投入果隻, 真係完全唔知點做好...

同老師傾開, 佢話發現佢比起開學講野好左, 起碼肯講, 但係講得唔係太好, 仲好多 bb 話, 而且係學校食早餐又食得唔多, 但係放左學返到屋企食 lunch 又係食得好少, 其實正常黎講, 上午 8 點飲早奶, 係學校又食得少少早餐, 到 12 點幾放學應該肚餓到震啦! 但係個衰女都係食得唔好, 所以近期下午 3 點幾姐姐都會俾 240ml 奶奶佢......

係.....我知咁樣唔好.....咁你見佢食咁少野......又開口問你要奶奶, 你又點忍心唔俾佢丫?  睇住佢成個瘦哂, 真係肉尺呀!!

呢個惡性循環, 咪晚餐又食得唔好 lor!

仲衰到有時半夜 4 點幾要奶奶 (又 240ml!!!)

第朝 8 點早餐又 240ml!!!!  其實而家佢根本就係完全靠飲奶黎吊命,  11月去健康院一定俾姑娘小爆...

我的小壞蛋

近期翠宜最鍾意話自己好 "街" (即係好乖), 每次自己掉完垃圾呀, 有放好玩具呀, 有抺咀抺手呀, 就不停講好 "街" 好 "街" 咁! 

又會話自己好叻呀!! 真係俾佢笑死.....

返左學一個星期, 最犀利就係學識左用杯飲水, 之前都有用杯飲, 但係有時都會倒瀉, 而家就真係可以掌握到用杯慢慢飲, 仲 "樹" 起手指公話自己 good 呀!!

舅父仲教佢做 V 字手勢講 yeah 呢!!

而家每次出街一見到 d 物件自己認得, 一定大大聲講出黎!! 例如 flower, egg, tree, horse, rainbow, umbrella, zebra, cat, dog 等等, 你一定要應佢佢先會停, 如果唔係佢會不停咁講, 慌死你唔知佢識咁! 成日令到週圍 d 三唔識七嘅人都笑唔停!!

老師同我講, 話佢好硬頸, 我都知啦!! 似我丫麻!! 又話佢好主觀 (即係唔係好聽話啦!), 又係似我 lor!! 就連我啊媽都話個壞蛋同我唔似十足都有九成九!! 兩個細個都咁惡湊 wor!!

28 個月記錄

今個星期五翠宜就 28 個月大, 識得講好多野, 但就唔係好肯講, 經常十問九唔應, 但係佢好多生字都識得講, 只係大小姐唔鍾意答你咁解啫!! 

多得工人姐姐, A - Z 已全部認得, 順序背或者抽讀都 OK!! 但係細楷就未識~

1-20 英文都 OK!! 中文就只可以 1-10, 

之前買俾佢 d 字咭背面有 A for apple, R for rainbow 等等果 d 英文生字都識哂!! 

RED, YELLOW, BLUE, GREEN, PURPLE 都分到, 

當然咬字唔係太純正啦!!     

脾氣依然勁! 有時唔高興就會掉野落地!! (俾我打過幾次啦!!!)

食野亦冇咩改善, 主糧都係麻麻地, 生果呀, 雜糧就由朝食到晚!! 

好彩佢好鍾意飲水, 一日可以飲 400-500ML 水, 

再加早晚各 240ML 奶奶, 先至令佢不致太瘦.....

至於介片方面, 

唉.....真係頭都大埋, 我買左 3 款不同 potty 俾佢, 最新款係佢最鍾意 shocking pink potty,

我仲一次過買兩個, 希望可以同佢一齊用, 但係佢完全唔肯坐, 最衰係佢根本唔介意著片片焗住唔舒服!! 最勁仲試過焗住 poo poo 瞓晏覺!! 

佢學校老師叫我地唔好太 push 佢, 咁樣好易令佢唔鍾意 potty 呢樣野, 更加唔會想去學習點用, 佢話遲 d 上堂會教佢地點樣去 potty, 而且有其他小朋友影響下, 會對佢好 d!!

最最最麻煩係今年夏天開始, 經常發現佢身上出現好似敏感, 又似濕疹物體!! 上年明明咩事都冇, 今年突然出得好頻密!!  最後終於 found out 係風癩.....

有時太熱又會出, 食得太濃味又會出, 最攞命係佢每次都係半夜三更先黎料, 次次都喊到死死下, 又要婆婆幫佢 R 痕, 即使有藥水食, 又有藥膏搽, 都唔係可以即刻止到痕, 每次都要攪三兩個鐘先收科!!

以為大個唔駛再夜晚冇得瞓啦! 點知又攪單風癩出黎, 成日都要婆婆幫佢 R 痕, 有時明明冇風癩, 都要婆婆用佢掃背脊, 個壞份子知道我唔會幫佢 R 痕 (or 掃背), 所以佢返西貢唔會咁架! 係蝦婆婆唔會拒絕佢 lor!! 

翠宜上學記趣

翠宜於這個學年第一次上 N 班, 看到她穿上整齊校服, 再加上書包, 正式開展人生中第一個最重要的學生時代, 亦等於向嬰兒時光作出告別, 作為媽媽的我, 少不免又要驚嘆時光飛逝, 仍十分懷念小可愛嬰兒時期, 實在捨不得小小孩童就要開始上學. (淚.....)

頭兩天家長都可以陪同小孩上堂, 一班才十一個小鬼, 見到其他小孩都可以定定的, 就只有我家小鬼仍要賴著我, 不肯獨自坐好, 又哭又叫, 更要將我拉去玩具區, 幸好老師都很有經驗, 都有很好的安撫翠宜, 致令我未有於課堂中因為小鬼的差表現而發難, 才未有失禮於人前... (可能老師都看出我不好招惹! 嘿!!!)

到第三天, 學校就要求小孩獨自上堂, 並要求家長不要於帶子女回校時跟小孩太過 "難捨難離", 要告訴孩子要上堂學習, 媽媽很快會來接她回家, 我家翠宜從來未有試過離開家人, 要知道她平時哭起來都十分 "長氣", 我就很怕她會因此而哭到天蹦地裂..... 

當我將她交給老師時, 看到她快要哭起來的樣子, 就告訴自己要狠心起來 (快閃!!) 雖然只有一小時的課堂, 只要想到自己女兒哭到死去活來的, 又會覺得要她兩歲多就要上學很可憐.

終於到了下課時間, 拿著証件於學校門前等放學, 只見老師每次帶著兩個小朋友走出來, 眼看有位小同學見到媽媽後, 由原本的木無表情即時就大哭起來, 我自己都差點忍不住想要流下淚來! (自從變身媽媽後不知為何就很容易哭起來!!)  

加上幻想到自己女兒哭到淚流滿面又提不上氣的樣子, 那種緊張焦慮, 等了十幾分鐘就好像等了一個世紀似的, 才見到老師拖著微笑著的翠宜走出來, 遠遠的見到我就揮著手, 口中還念著媽媽, 真的 "巧滾動" 啊!!!

之後兩日上學老師都有讚她未有哭過, 每次到達學校門前就已經會鬆開我的手, 看來我之前的擔心也真無謂.....

翠宜, 媽媽希望你可以好好享受上學學習的時光, 媽媽不需要你有什麼大成就, 只想你活得開開心心就已經足夠了!!

螞蟻搬家

收到 yahoo blog 快將關閉的消息, 情天霹靂!!!!!
感覺到滴汗.....

於 yahoo 寫了好幾年, 雖然近期少了很多 (就是懶...)
但 yahoo blog 內著實記載了很多回憶...
對於我這個電腦白痴, 想要將所有文章及相片都搬過來, 真的天方夜譚
一想到要 "搬家", 真想對天長嘆!!!!!

又有誰會估到 yahoo blog 都要關閉??
真的世事無絕對!!

翠宜兩歲了

五月十三號翠宜就兩歲喇!!!
由於唔想同母親節撞期, 我地提前係五月五號同佢開左個生日會!!!
之前見到其他 BLOG 友係薯仔屋開 PARTY 都幾好 FEEDBACK,
所以我今次都 BOOK 左薯仔屋, 佢 D 野食真係幾好,
係個場地比較暗, 影相冇咁好睇,
之但係佢又有好多小朋友玩具, 所以果日翠宜同其他小朋友都玩得好開心!!

佢地 D 野食都幾大碟, 而且個個好話好食, 不過就比較貴小小, $3600 + 10% (25人)



係美心訂左個 HELLO MIMI 蛋糕, 原本見到 FB 有好多 MICKEY 蛋糕, 睇啱果間又話 SUNDAY 唔送貨, 所以 END UP 訂番美心最穩陣

同細舅父玩積木

今次我仲係 FB PAGE 訂左 10 個 MICKEY 波波俾 D 小朋友, 有兩個 MICKEY & MINNIE 大頭,  4 個 18 寸, 再加 4 個星星, 夾埋 400 蚊, 生日會後每個小朋友都會有個波波攞走當禮物, 人人都開心到不得了!!

我個壞旦

同哎呀男朋友仔劍仔

其實我自己果日病到死死下, 直到今日都未好, 所以我自己狀態十分差, 都冇咩影相, 上面 D 相都係朋友仔影完俾番我,
我先可以有得記念, 仲好多謝各位朋友黎同翠宜慶祝, 你地嘅蒞臨已經係我地嘅榮幸, 更加多謝你地俾翠宜嘅禮物同利是,
我代翠宜多謝大家嘅祝福!!

不過隨住 TERRIBLE TWO 來臨, 我要打醒十二分精神睇住呢個壞旦先得喇!!!